STEL-AVIVO

KONGRESA TEMO

KIA KULTURO? KIA PACO? KIA LINGVO?

(Humphrey Tonkin)

En tiu ĉi unua prezento de la kongresa temo, Humphrey Tonkin levis kelkajn demandojn por konsidero de la ĉeestantoj. Ni ilin prezentas al la kongresanaro ĝenerale, kun instigo ke oni partoprenu la ceterajn kunsidojn pri la kongresa temo.

1. Ĉu Esperanto estas aŭtentike alia ol aliaj lingvoj? Ĉu ĝi vere povas roli kiel lingvo de la paco?

2. Se jes, ĉu ni devas ŝanĝi la metodojn, kiujn ni uzas por utiligi kaj disvastigi Esperanton?

3. Kiujn konkretajn paŝojn ni povas fari por plifortigi la rolon de Esperanto kiel lingvo de la paco?

4. Kiun rolon ni povas ludi kiel privataj civitanoj en la lukto por pli justa mondo kaj la kreo de kulturo de paco?

5. Kiel mastrumi mondon de multaj kulturoj kaj multaj lingvoj?

TRANSPORTO POR REVENFLUGOJ

Kongresanoj kiuj mendis transporton al la flughaveno bonvolu NEPRE viziti la giĉeton Loĝiga servo aŭ/kaj Ekskursoj por informi pri la detaloj: dato, dato de reflugo, horo, flugmaniero, hotelo de kie oni ekas, horo de la starto de la hotelo. Sen tio ne eblas organizi la transporton kaj LKK ne respondecas pri eventuale neuzota servo. Se vi ne loĝas en iu el la kongresaj hoteloj aranĝitaj pere de UEA (Dan Panorama, Metropolitan, Tal, Top, Moss, Adiv, Sun Bat Jam) vi devas informi kie kolekti vin por la transporto.

KONFIRMADO

DE FLUGOJ

Ĉiuj kongresanoj kiuj venis fluge devas MEM rekonfirmi siajn reflugojn almenaŭ 72 horojn antaŭ la foriro ĉe siaj respektivaj flugkompanioj. Ĉiuj akceptejoj de la hoteloj devas laŭleĝe fari tion por ĉiuj klientoj. Se estas iuj ajn ŝanĝoj de la reflugaj detaloj bonvolu nepre informi la ekskursan giĉeton (Esti Saban) pri tio.

ESTRARO RESPONDAS

Viglis, kiel kutime, la neformala renkontiĝo de la Estraro kun la membraro de UEA. La pridemandado tuŝis plurajn temojn ekde la malfacilaĵoj por blinduloj partopreni UK-oj al la rolo de estrarano pri kulturo. Apartan atenton oni dediĉis al la utiligo de Interreto en la nuna interna kaj ekstera informado kaj kiom UEA ekspluatas ties eblecojn. Kiel kutime, la publiko prezentis ankaŭ plendojn ligitajn al la nuna kongreso, kun aparta atento al la problemoj ĉe junulargastejoj, al la maltaŭgeco de la kongresejo ktp. La ĉeestantaro starigis poste demandojn pri la estontaj UK-oj: kiel oni elektas landon, urbon, ejon. Kaj fine oni tuŝis politikajn temojn kiel la neŭtralecon de UEA kaj la alvenintajn dum la jaro plendojn rilate la nunan UK-on.

ILI ESTIS ĈI TIE

Laŭ longtempa tradicio, en UK-oj ni ĉiam volonte spektas Naciajn Vesperojn, kiuj povas rakonti multon pri la gastiga lando. Tamen, la karakteron de Israelo pli konvene spegulas… Internacia Vespero. Ĉar tiu nomo ja pli taŭgus por la spektaklo de la folklora trupo Anaĥnu Kan (“Ni estas ĉi tie”), kies dancoj kaj kantoj radikas jen en Hispanio, jen en Rusio kaj Litovio - kio ne mirindas en lando kun loĝantoj enmigrintaj el ĉiuj mondregionoj, kiuj kunportis siajn tradiciojn kaj kutimojn en la malnov-novan patrujon. La lertmovaj junaj dancistoj kaj beltembraj korusanoj de Anaĥnu Kan katenis la atenton de saloneg-pleno da kongresanoj, same kiel ĝiaj du solo-kantistoj. Alternis melodioj tutmonde konataj kun muzikeroj judaj kaj jidaj; ni estis eĉ komplezitaj, pli ol unu fojon, per Esperantlingva kantado.Videble ne sufiĉis du horoj da movoj kaj melodioj: la entuziasma spektintaro nur hezite disiris post unu sola biso.

ĈU LA ZAGREBA KONGRESO

JAM KOMENCIĜIS?

Vi certe jam povis vidi ke estas vigle ĉe giĉeto de sekvontjara UK, al kiu jam aliĝis pli ol 40 geesperantistoj. La organizantoj miras pri nombro de alikontinentaj aliĝantoj, inter kiuj la plej multaj estas brazilanoj.

Hodiaŭ la giĉeton vizitis ankaŭ reprezentantoj de la plej granda kroata turisma agentejo “Generalturist” kaj Kroata turima unuiĝo kiuj kunlaboras pri organizado de UK en Zagreb.

La zagrebanoj tre serioze komprenis kio atendas ilin kaj jam nun vi povis rimarki ilin dejori ĉe diversaj servoj de telaviva kongreso por spertiĝi,

Ĝojigas la fakto, ke la plej granda kroata gazeto “Veĉernji list”, kiu promesis per ĉiutaga informado pri UK kontribui al sukceso de la 86-a UK jam eklaboris tiucele. Nome, ili aperigas ĉiutage informojn pri tio kio okazas en Tel Avivo. Tial ni povus diri ke la zagreba kongreso jam komenciĝis,

AFRIKO EN ISRAELO

La 27-an de aprilo 2000 Afriko plurfoje aperis en la salonoj de la kongresejo:

- En la salono Hodler la komitatanoj pliafoje pritraktis la raporton pri la agado en Afriko.

- En la salono Maschler okazis komitata gruplaboro. S-inoj Renee Triolle kaj Tantin Ackermann laboris kun Gbeglo Koffi. Ili povis paroli pri gravaj aferoj koncerne la movadon en Afriko.

- En la salono Olswanger okazis la unua afrika kunveno. Pli ol tridek kongresanoj a"dis raportojn pri la movado en Afriko. Ĉeestis kvin afrikanoj: 4 el Sudafriko kaj unu el Togolando. La movado en Sudafriko, Tanzanio, Ganao, Niĝero, Kongolando, Madagaskaro, Benino, Senegalio ktp. estis priparolita. Ne mankis vortoj pri la rilatoj inter afrikanoj kaj eksterafrikanoj; la kunvenantoj ricevis la novan planon “Prioritato Afriko”, pri kiu ili parolos dum la dua kunveno.

Tiu unua apero de Afriko en Israelo iel montras la homojn kiuj vere interesiĝas pri la movado en Afriko. La afrikanoj dankas Êiujn, kaj precipe s-inojn Renee kaj Tantin kiuj sincere subtenas Afrikon.

(k. n. 95)

INFANA KONGRESETO VIGLAS, VIZITOS ...

Rapide amikiĝis la 18 infanoj, eĉ kelkaj antaŭ ekiro al la kongresejo, junulara vilaĝo Hadassim, 30 km norde de Tel Aviv. Pro la multaj devenlandoj (CA, FR, DE, HR, HU, IL, JP, NO, RO) eblecoj krokodili mirinde malgrandas. Duono de la infanoj estas denaskuloj; Êe aliaj la nivelo tre varias - kiam infana ludado postulas komunikadon, oni atingas mirigajn solvojn kaj progreson.

Post interkonigaj ludoj kaj tuttaga ekskurso al akvo-parko ŝfaim, la infanoj pentris tolaĵojn, kiujn ili montros en la Tago de la lernejo (salono Lapenna ekde 11h40). Kiu volas konatiĝi kun ĉi tiu unika pluvivigejo de nia lingvo - venu al tiu kunsido de ILEI, kiu komenciĝos je la 9h00.

(k.n. 264)

REZULTOJ DE LA BELARTAJ KONKURSOJ DE UEA

EN 2000

POEZIO:

1-a premio: Mikaelo Giŝpling (Israelo) pro “Neĝa fantazio”;

2-a kaj 3-a premioj: ne aljuĝitaj.

Honoraj mencioj: Stefan MacGill (Hungario) pro “Letere etere”, kaj Nikola Raŝiĉ (Nederlando) pro “Telefonvoko al postmoderno”.

Partoprenis 40 poemoj de 17 aŭtoroj el 12 landoj.

PROZO:

1-a premio: Julia Sigmond (Rumanio) pro “Mi ne estas Mona Lisa”;

2-a kaj 3-a premioj: ne aljuĝitaj.

Honoraj mencioj: Claude Schroeder (Francio) pro “Amletero” kaj Tibor Kristaly (Hungario) pro “Leon-vilaĝo”.

Partoprenis 11 verkoj de 8 aŭtoroj el 8 landoj.

TEATRAĴOJ:

Neniu premio aljuĝita. Partoprenis 1 verko de 1 aŭtoro.

ESEO:

Premio “Luigi Minnaja”: Sten Johansson (Svedio) pro “Kiel legi - ĉu legi - Stellan Engholm?”;

2-a premio: Nikola Raŝiĉ (Nederlando) pro “Digrafio: speciala kazo de rilato inter lingvo kaj skribo”;

3-a premio: Sten Johansson pro “Belartaj Konkursoj de UEA 1950-1999”;

Honora mencio: Carmel Mallia (Malto) pro “La vojo”.

Partoprenis 4 eseoj de 3 aŭtoroj el 3 landoj.

KANTO

PREMIO “Ahn Song-san pri Kanto”: Tarcisio Lima (Brazilo) pro “Diskanto” kaj “Ĉi-paĝa dezir’”;

2-a premio: Anja Karkiainen kaj Vesa Polkki (Finnlando; resp. teksto kaj muziko) pro “La koroj batu”;

3-a premio: ne aljuĝita.

Partoprenis 6 kantoj de 4 aŭtoroj aŭ aŭtoraj duopoj el 3 landoj.

INFANLIBRO:

Premio “Infanlibro de la Jaro 1999”: “La avo en la ĉareto” de Gudrun Pausewang, tradukita el la germana kaj eldonita de Nora Caragea (Germanio).

Partoprenis 5 libroj de 5 eldonejoj el 5 landoj.

VIDBENDO

(La konkursaĵoj prijuĝotaj dum la UK; la rezulto anoncota en la Fermo.)

CSEH-KURSO kaj CSEH-SEMINARIO: Cseh aranĝoj fariĝis tradiciaj dum UK-oj. Ili ĉiam reaktualigas ĉi tiun tipe Esperantan instrumetodon, pliriĉigitan per la videokursa materialo Mazi en Gondolando. En la seminario oni studos kiel uzi la Mazi-materialon pli efike. La seminario estas destinita al instruistoj, kiuj deziras lerni la metodon aŭ akiri ateston pri ĝi. La seminarianoj devas havi la libron “Baza Cseh-kurso” (10,90 eŭroj ĉe la Libroservo de UEA) kaj ankaŭ observi la kurson. La kurson kaj la seminarion gvidos Atilio Orellana Rojas de IEI en Hago. La partopreno en ambaŭ aranĝoj estas aparte pagenda. La kotizo por la kurso estas 65 guldenoj kaj por la seminario 90 guldenoj por loĝantoj de A- kategorio; por loĝantoj en landoj de B- kategirio la kotizoj estas 20 kaj 40 guldenoj respektive. La kotizo por la seminario inkluzivas la observadon al la kurso.

HELPU AL

HELPFLEGISTO

Naskiĝinte en togolanda vilaĝo en 1958, s-ro Kossi Logossou, esperantisto ekde 1986, havis multe da vivmalfacilaĵoj: morto de la gepatroj kaj fratoj, longtempa malsaniĝo, soleco, ktp. Feliĉe la Providenco helpis, ke li nun, dank’ al katolikaj fratinoj de la vilaĝo, estas helpflegisto. Li tiel havas iom da mono por vivteni sin. Sed lia situacio estas nun pli malbona, ĉar multajn parencojn li prizorgas. Li ne povas ne fari tion, sed ankaŭ devas pensi pri sia estonteco. Plia lernado por fariĝi flegisto estas por li la sola solvo. Nun kiel li povas atingi tiun celon? Helpo de esperantistoj estas bezonata. Helpemuloj kontaktu s-ron Gbeglo Koffi, estrarano de UEA pri la Agado en Afriko.

SURLOKAJ ALIĜOJ

1203 dmbm-j s-ro M. Gal Dembo, 124 Hagalil-str., IL-326 83 Haifa, Israelo

1204 s-ro Conrad Jackisch, llee N. Glienicke 2, 14482 Potsdam, Germanio

1205 s-ino Helen S. Merrick, 1085 Ranchero Y # 12, San Jose, CA, Usono

1206 s-ro Tadaŝi Naruo, Tenon-kjo, Kameoka-ŝi, Kioto-ju, Japanio

1207 s-ro Michael England, Langholms 6.20, 11733 Stockholm, Svedio

1208 s-ro Estacio Sardeiro Rodriguez, Caixa Postal 5049, Brazilandia - DF, Brazilo

1209 s-ro Adair Sasconcelos, Caixa Postal 5049, Brazilandia - DF, Brazilo

1210 s-ino Shirlene V. Areda, Caixa Postal 5049, Brazilandia - DF, Brazilo

1211 s-ino Oksana OsoÊenko, Miuca-Joav 51/517, 84796 Beer-ŝeva, Israelo

1212 s-ino Teresia Huffener, Ooststraat 47, 2547 XC Den Haag, Nederlando

1213 s-ro Wilfried E. w Bethge, Feldstr. 87, 28203 Bremen, Germanio

POSTKONGRESAJ EKSKURSOJ (P1, P2)

Estas ege rekomendite por la partoprenantoj de la ekskursoj, ĉeesti la kunvenon pri ĝeneralaj detaloj koncerne tiujn ekskursojn: lunde, 31/7, ekskurso P1 al Jordanio - je la 10h00, kaj ekskurso P2 al Israelo - je 11h00, en la salono Olswanger.

Tiuj kiuj ne povas ĉeesti la kunvenon lunde, estas petataj kontakti - ĝis lundo - Miki (Mikaelon) a" Nava ĉe la giĉeto Ekskursoj, por ricevi detalojn.

GRAVE POR LA PARTOPRENANTOJ DE LA EKSKURSO AL JORDANIO

1. Bonvolu skribi viajn personajn detalojn (sur la anonctabulo) per klara manskribo (per nekunligitaj literoj) - ekzakte kiel tiuj detaloj aperas en via pasporto.

2. Bonvolu alporti al la renkontiĝo validan pasporton + vizon al Jordanio.

3. Kunportu la PRECIZAN sumon de 64 sikloj.

Via kunlaboro ŝparos al ni longan atendadon ĉe la landlimo.

Bondeziras al vi sukceson,

Nava Cinori kaj Mikaelo Karpati

ĈU VI SCIAS, KE ...

... en Belizo, Dominika Respubliko, Gvatemalo, Haitio, Honduraso, Kubo, Panamo, Peruo kaj Salvadoro estas multaj dezirantoj lerni nian lingvon, sed la manko de lernomaterialo estas granda malhelpo?

Por provizi la menciitajn landojn per taŭgaj instruiloj estas bezonataj 1.000,00 eŭroj. Vi povas helpi UEA realigi ĉi tiun projekton per donacado de almena" NIS 10,00 al la fondaĵo “Ameriko”. Vian kontribuon bonvolu transdoni al la UEA-kasisto aŭ ĉe la Amerika Budo.

(Atilio Orellana Rojas, k.n. 525)