STEL-AVIVO
Senpaŭze
2
PROGRAMŜANĜOJ
KONGRESA TEMO 2
(Wandel) ŝoviĝas unu horon pli poste kaj okazos la 27-an de la 14h30 ĝis
15h30 h en la salono Hodler.
LA
POTO: Pro la limigita kvanto da spektantoj necesas akiri
(senpagajn!) biletojn por la teatraĵo “La poto”, kiu okazos: vendredon je la
20h00 en la salono Zamenhof kaj
dimanĉon je la 16h00 en la salono Cvetkova (domo Ŝalom Alejĥem). La biletojn oni povas ricevi ĉe la
Informejo.
La
busoj al la domo Ŝalom Alejĥem ekiras de la Kongresejo je la 15h00 .
AKCEPTO
POR LA MEMBROJ DE SOCIETO ZAMENHOF okazos duonhoron pli poste, je la 19h00
(vendrede) en salono Olswanger.
AL-VOKO
KAJ
PRO-VOKO
DE AMANO
Por plenumi la
celojn de Esperanto necesas alfronti konfliktojn kaj antaŭ
juĝojn
kaj utiligi la lingvon por krei kondiĉojn de paco kaj kompreniĝo.
Tiucele ni, partoprenantoj
de la 1-a Seminario por arabaj esperantistoj en Amano, Jordanujo, de la 22-a ĝis
la 24-a de julio 2000, diskutinte pri la temo “Tutmondiĝo kaj la arabaj
landoj”, proponas al la membraro de UEA la jenajn realigindajn punktojn:
1) UEA okupiĝu pri
disvastigo de Esperanto precipe en landoj, kie ne ekzistas lokaj fortoj;
2) Niaj fortoj estas limigitaj kaj
sekve ni koncentru nian agadon ĉefe (kvankam ne ekskluzive) je unu-du el la
arabaj landoj. Parto de nia celo estu krei en tiuj landoj arabajn esperantistojn
kapablajn siavice disvastigi la lingvon en pliaj arabaj landoj;
3) Jordanujo kiel facile alirebla
lando kun favoraj kondiÊoj estu unu el tiuj landoj;
4) Komencaj paŝoj
estu:
a) pretigo de taŭgaj arablingvaj
inform-materialoj;
b) organizado de kurso en Jordanujo
per utiligo de lokaj fortoj kaj internacia helpo;
c) komunikado kun
universitatuloj
en la
koncernaj landoj cele al organizado de komunik-reto kaj eventuale de kunveno de
fakuloj pri lingvaj kaj kulturaj problemoj kun internacia partopreno por
interalie informi la fakulojn pri la valoro de Esperanto kiel universitata
stud-objekto;
ĉ)
konversacioj inter la araba komisiono de UEA kaj israelaj esperantistoj pri la
manieroj laŭ kiuj ili povas helpi en tiu ĉi iniciato.
Amano,
la 24-an de julio 2000
ESPERANTLINGVA
VERKISTA
ASOCIO
Jarkunveno de EVA okazos
dimanĉon, la 30-an de julio, salono Dratwer, inter 14h45 kaj 15h30.
Ni prezentas al vi la
staton de la EVA- enketo - julio 2000
KIUJ ESTAS LA PLEJ
INDAJ VERKOJ EL LA ESPERANTO-LITERATURO?
Loko 1
1. Raymond Schwartz:
Kiel akvo de l’ rivero. - 11 voĉoj
2. Spomenka Ŝtimec:
Ombro sur interna pejzaĝo - 11 voĉoj
Loko 2
K. Kalocsay: Streĉita kordo - 7 voĉoj
Loko 3
Francis: La granda
kaldrono - 6 voĉoj
Rossetti: Kredu min, sinjorino - 6 voĉoj
Szathmari: Vojaĝo al
Kazohinio - 6 voĉoj
Loko 4
5 voĉoj
Auld: La infana raso
Abel Montagut: La poemo
de Utnoa
Spomenka Ŝtimec: Kroata
milita noktlibro
Eli Urbanova: Hetajro
dancas
Vladimir Varankin:
Metropoliteno
La enketo daŭras. Se vi
deziras voĉdoni, bonvolu lasi vian mesaĝon ĉe la Zagreba giĉeto (por EVA), ekde
ĵaŭdo.
Israelo
-ata/-ita;
vojaĝo
tratempa
Vi
sciis ke vi venos al lando de antikvo, de malnovo kiun moderno apudas kaj
kunas. Tamen, necesas la ekstertempaj gestoj de preĝantoj Jerusalemaj, de
nargile-fumantoj, de bazaraj marĉandantoj kaj eĉ bilet-vendantaj busŝoforoj
por konfirme konsciigi al vi la antaŭscion. Ĉi-lande la historio, tiu kiun
majusklo, enestas ne nur la memoron, sed ankaŭ la ĉiutagon. Konversacioj
malofte limiĝas al vetero kaj cetero; eĉ turisto kelktaga sentas ke Israelo
havas kelkajn dimensiojn pliajn ol tiuj de buntaj poŝtkartoj.
Kiom da Israelo kapteblas
per la sensoj? Brula suno kaj onda maro sur via haŭto, spicoj de melongena
salato kaj dolĉo baklava sur via lango; la nazo signalas neglektitajn
rubosakojn ĉe trotuaroj, sed pli ofte tikliĝas de logaj parfumoj virinaj; viajn
orelojn vundas grincaj balgo-busoj kaj gorĝaj konsonantoj… Dume viaj okuloj —
ili finfine ricevas por tuta jaro porcion da ĉielbluo, sunflavo, marŝaŭm-blanko
kaj da pala oro de domoj en Jerusalemo…
Kaj kion ricevas la cerbo? Tio
ĉi forte dependas de vi mem. La gazetoj rakontos al vi, horon post horo, kion
deciduloj fore transmaraj volas (ke la alia volu) fari pri kelkaj ĉi-lokaj
megatunoj da malnova ŝtono — ŝtono tiom pli ol nura ŝtono. Libroj rakontos al
vi, jarmilon post jarmilo, kion tiuj ŝtonoj estas vidintaj. Homoj rakontos al
vi, jaron post jaro, kiaj travivoj ilin ligas al tiu Ĉi terpeco, ankoraŭ tiom
fremde fora por la plejmulto el iliaj geavoj.
Spirite sata de ĉio sensita
kaj sentita, vi revenas al la kongresejo. Kaj tie, post via tempovojaĝo tra
unika lando, vi retrovas vian intiman spackapsulon, en kiu via verda familio
vojaĝas ekstertempe, UK-post-UK-e, serĉe al planedo sur kiu alteriĝi.
Istvan
Ertl
ESTAS
MALPERMESITE
FUMI
EN LA
KONGRESEJO
SUKCESOJ
DE
INFORMADO
• La 15-an de julio
Doron Modan parolis kelkminute pri la UK en la plej aŭskultata radio-kanalo, en
nokta magazino.
• Sciigoj pri la
kongresa inaŭguro kaj pri la nova granda vortaro Esperanto-hebrea de Josef Murĵan
aperis en tri diversaj gazetoj.
• 50 minutoj da malstreĉa
konversacio kun Josef Ŝemer pri diversaj aspektoj de Esperanto, muzike
ilustrata, estis/estos dufoje aŭdebla en la israela radio (Ondo A), la 22- an
de julio kaj la 29-an, sabate, je 20h00.
• La 25-an, en matena
radio-programo de Kanalo 2 partoprenis Tali Wandel, 16-jara denaska esperantistino,
kaj lingvisto d-ro Podolsky. Al la abrupta demando “Kial Esperanto mortis?” Podolsky
respondis: “Ĝi ne mortis; ĝi estis murdita de Hitler kaj Stalin.”
• La alia filino
Wandel, Maja, aperis la 25- an de julio en tre spektata televid-programo “La
nova mateno”. Pro la mallongeco de ŝia apero la programisto pardonpetis: “pro
Camp David”.
• La 26-an de julio la
patro Wandel, Amri, anoncis en radio pri la UK en 20 sekundoj “oraj” Ĉirkaŭ la
7h00, kiam milionoj aŭskultas novaĵojn dum matenmanĝo, duŝado aŭ stagnado en
trafikŝtopiĝo.
• La 28-an de julio, la
ruslingva programo “Kalejdoskop” de la 1-a (nacia) kanalo televida elsendos je
15h00 intervjuon, proze kaj kante, kun nia multflanka artisto ruslanda Moissej
Bronŝtejn kaj kun la armena esperantistino Knarik Davtjan.
• La 31-an de julio
aperos en la kongresejo skipo de la sama nacia kanalo, por prepari 10-minutan
raportaĵon por la programo “Monda rigardo”, elsendotan vendrede, la 3-an de aŭgusto,
je 21h00.
• Ĵurnalistoj de la
junulara eldono de la gazeto “Ma’ariv” vizitos la okazejon de la Infana
Kongreseto vendrede, la 28-an de julio.
• Radio-kanalo de
klasika muziko elsendos la 3-an de aŭgusto intervjuon kun Doron Modan.
ANONCETOJ
• • •
En la kongresa
Libroservo eblas aĉeti bildkartojn pri Israelo kun esperantlingva teksto kaj
poŝtmarkojn.
• • •
Bonvolu ne forgesi
aboni “Litovan stelon” por la jaro 2001 ĉe ties giĉeto kaj viziti kunvenon de
la legantoj lunde je la 17h15 en la salono Olswinger.
La Redakcio
• • •
Perditaj aĵoj - se
troviĝis - haveblas en la Informejo.
• • •
Se iu hazarde prenis en
la redaktejo de la kuriero la libron “La serĉado de la perfekta lingvo” de
Umberto Eco, ni petas redoni ĝin, ĉar ĝi estas donaco de ĉarma filino al sia
patrino. Dankon!
CSEH-KURSO kaj CSEH-
SEMINARIO estas
aranĝoj aparte
pagendaj!!
La enskribiĝoj al la
Seminario estos akceptataj ĉe la enirejo al la salono OLSWANGER merkrede kaj al la Cseh-Kurso ĵaŭde ĉe
la salono DRATWER. Tiam bv pagi ĉe la enirpordo al la salono.
La aliĝintoj nepre havu
ĉe si ĉiutage la kvitancon por rajti eniri la salonon!
Se estas interesitoj
por observi la funkciadon de la metodo, tiuj rajtas ĉeesti, sed la organizantoj
petas al tiuj resti en la salono de la komenco ĝis la fino de la leciono. Por
tia observado oni devas pagi NIS 40,00 por unu leciono kaj tion oni povas fari ĉe
la enirpordo de la salono de la
Cseh-aranĝoj.
La organizantoj
SURLOKAJ
ALIĜOJ
1190 mybo-x s-ro Myron
Bondelid, 3143 Goldenspur Drive, Camaillo, CA 90310, Usono
1191 hhrn-z s-ro
Horst H. Benemann, Kurt-Schumacher-Str. 4, 63263 Neu-Isenburg, Germanio
1192
s-ino Renata Kedzior, 2956 Sable Ridge Dr., Ottawa, Kanado
1193
s-ino Amanda Lee, 2956 Sable Ridge Dr., Ottawa, Kanado
1194
s-ino Maria J. Meirelej de Aquino, Rua Tiradentes, 360/304, 36015-360 Juiz de
Fora, Brazilo
1195
s-ro David Herx, Auf dem Haeselberg 16, 54516 Wittlich, Germanio
1196
s-ino Nora Woelk, Kastanienallee 1, 14471 Potsdam, Germanio
1197
s-ino Anabella Jungvert, Bicsado, Rumanio
1198
s-ro Csaba Kerkes, Biscado 4038, Rumanio
1199
s-ino Krisztina Bartos, Biscado, Rumanio
1200
s-ino Zsuzsa Szocs, Biscado, Rumanio
1201
s-ro Valentin Melborg, Nordurbraut 33, IS-220 Hafnarfjorour, Islando
1202
s-ino Bruna Dittmann, Bleichstr. 71, 63065 Offenbach, Germanio
ADRESŝANĜO
532. Mirreile
Grosjean ekde la 9-a de a"gusto havos novan adreson:
Grand-rue 9, pf 9, CH-2416 Les Grenets
KVIZO
ĉu vi
volas esti kandidato por la kvizo “Kiu estos la ĉampiono de la kleruloj?”, kiu
okazos dimanĉon je 16h30 en salono Lapenna? Ni serĉas multesciulojn, kiuj
konkuros kadre de tiu kvizo. Sentimuloj anoncu sin ĉe la Informejo, plej laste
vendrede je la 12h00.
PROSPEKTOJ
PRI ZAGREBO 2001
Aperis
du belaj prospektoj pri la kongresa urbo 2001. Se vi ne trovis ilin en via kongresa
dokumentujo, bonvolu preni ilin ĉe la zagreba giĉeto ekde ĵaŭdo.
INTERNACIA
ARTA
VESPERO
Artistoj, kantistoj,
deklamistoj, kaj ĉiuj kiuj ŝatus prezenti dum la Internacia arta vespero, bonvolu
kontakti Elena Puĥova kaj/aŭ Mojssej Bronŝtejn en la oficejo de LKK hodiaŭ (ĵaŭdon)
ek de la 10h00 ĝis la 13h00. Bonvolu konsideri, ke ne necesas profesia nivelo,
sed tamen sufiĉe alta kvalito.