Oficiala Antaùkongreso en Jordanio kaj Israelo

22 - 25 julio

Sub la alta aùspicio de lia moshto prof. Faisal O. Al-Refou'h
Ministro pri Kulturo de Jordanio

La antaùkongreso en Jordanio konsistos el du seminarioj kaj richa turisma programo:

  • Seminario "Esperanto en la arabaj landoj" en Amano, Jordanio
  • Seminario "Paco kaj kunekzisto" en la vilagho Neve Shalom, Israelo
  • Kvartaga ekskurso en Jordanio kaj Israelo, kun ebleco partopreni en unu aù ambaù seminarioj

    Seminario en Amano
    22-24.07 Okazos en Amano seminario "Esperanto en la arabaj landoj" kiun partoprenos ankaù arabaj esperantistoj. Dum la 22-23.07 ghi okazos en la Regha Palaco de Kulturo kaj la 24.07 en hotelo Le Meridien. Partoprenantoj de la seminario restos en Amano dum la 22-a kaj 23-a de julio.

    Seminario en Neve Shalom / Wahat-el-Salam (Pacoazo)
    25.07 Seminario "Paco kaj Kunekzisto" - prelegoj kaj diskutoj pri la konflikto en la Mezoriento, organizitaj de la "Lernejo pri Paco" en Pacoazo. Tagmangho kaj daùrigo de la seminario. Posttagmeze veturigo al la Kongresejo en Tel Avivo.
    La seminario en Pacoazo estas malfermita al chiuj kongresanoj. Estos veturigo de la Kongresejo al Pacoazo la 25-an matene kaj reen al la hoteloj en Tel Avivo posttagmeze.
    N.B. Pliaj informoj pri Pacoazo haveblas che ghia retpagho.

    A1 Oficiala Antaùkongreso en Jordanio kaj Israelo
    - ekskursa programo

    Sabato,22.07 Matene forveturo de Tel-Avivo norden al la ponto Sheik Hussain [ Sheik Hhusejn ]. Transveturo de la ponto kaj vizito al Um Kais, de kie sternighas bela pejzagho al la Galilea Lago. Poste al kastelo Adjlun [ Aghlun ], elstara ekzemplo de la araba/islama arkitekturo el la 12-a jarcento, konstruita de Usama Ibn Munkish ( Munqich ), kiu venkis la krucmilitistojn en la jaro 1189, por kontroli la chefan limpasejon inter Jordanio kaj Sirio. Daùrigo suden al la elstara romia urbo Jerash [ Gherash ], norde de Amano. Duhora pieda vizito de ghiaj bele konservitaj ruinoj de temploj, preghejoj, teatroj, kolone chirkaùitaj stratoj, forumo kaj multe pli. Daùrigo al Amano kie, post mallonga orientigha rondveturo, oni alvenos al la luksa hotelo Le Meridien, por vespermangho kaj tranoktado.

    Dimancho,23.07 Post la matenmangho veturigo suden al Petra. Mallonga chevalrajdado (alternative kaleshveturo) ghis la uedo (kanjoneto) Siq, kiun oni trairos piede. Admirado de imponaj monumentoj de la nabata kulturo, kiu floris antaù pli ol mil jaroj. Reveno al la hotelo en Amano por vespermangho kaj tranoktado.


    Petra

    Lundo,24.07 Post la matenmangho eblos elekti inter du alternativoj:

    1. Seminario pri la temo "Esperanto en la araba mondo", en Amano, kaj
    2. Vizito de Madaba kaj Monto Nebo.
    La grupo B veturos al Madaba kaj vizitos la katedralon de Sankta Georgo, kie oni vidos la plej malnovan nuntempe ekzistantan mapon de la Sankta Lando - mirinda mozaiko farita ch. la jaro 560 PK (Post Kristo). De tie, mallonga busveturo al la monto Nebo (laù la tradicio tie situas la tombo de Moseo), de kie videblas panorama pejzagho de la Jordana Valo kaj la Morta Maro. Vizito al la preghejo sur la montopinto, kun ghiaj grandaj konservitaj mozaikoj el la bizanca epoko. Veturigo al la Ponto Allenby, kie oni renkontighos kun la grupo A.
    Transiro de la limo inter Jordanio kaj Israelo, kaj veturo al Neve Shalom (arabe: Wahat-el-salam, Esperante: Pacoazo) unika vilagho 30 km okcidente de Jerusalemo, kie judaj kaj arabaj familioj loghas kaj laboras harmonie. Vespermangho kaj tranoktado en la hotelo de Pacoazo.

    Mardo,25.07 Seminario "Paco kaj Kunekzisto" kaj tagmangho. Posttagmeze veturigo al la Kongresejo en Tel Avivo.

    Alternativa programo por tiuj kiuj ne partoprenos en la seminario:
    Post la matenmangho veturo al la stalaktita groto Sorek, kun unu el la plej richaj kaj buntaj stalaktitaj kolektoj en la mondo. Gvidata vizito tra la groto. Reveno al Pacoazo por tagmangho. Post la mangho vizito al la apuda trapista monahhejo Latrun, kie la trapistaj monahhoj produktas (kaj vendas) altkvalitajn vinon kaj olivoleon. Posttagmeze veturigo al la Kongresejo en Tel-Avivo.

    Inkluzivita: veturo de flughaveno al hotelo Tal en Tel-Avivo ( kie loghos chiuj ) kaj poste de Tel-Avivo per luksa turisma buso ( klimatizita ) kun profesia chicherono kaj E-lingva interpretisto, 3-taga ekskursado, 2 tranoktoj en luksa hotelo Le Meridien kaj unu nokto en Pacoazo, ( kun 3 matenmanghoj, 3 vespermanghoj kaj tagmangho en Pacoazo ), kaj chiuj enirbiletoj menciitaj en la itinero. ( Programo en Pacoazo, depende de la elekto/mendo ).
    Ne inkluzivita: lunchoj, trinkajhoj, personaj elspezoj kaj trinkmonoj, kaj la limpasejaj impostoj ( 21 USD ), pagendaj en USD ( bv. prepari la sumetojn de po 15 kaj 6 USD ).
    La partoprenantoj devas havi jordanian vizon, kiun chiu akiru mem en la plej proksima jordania konsulejo en sia ( aù najbara ) lando. Oni nepre menciu ke vi bezonas vizon por limpasejoj Sheikh Hussein (22.07.2000) kaj (aparte!) por Allenby Bridge (24.07.2000). Kiam vi havos la vizon bv. konfirmi tion al la CO.

    Bv. noti: eblas mendi nur la tritagan ekskurson en Jordanio, sen la aldona tago en Neve Shalom. En tiu kazo la kotizo inkluzivas nur veturigon de ponto Allenby al la hotelo en Tel Avivo (sen vespermangho kaj tranoktado) en la vespero de 24.7.

    Prezoj. Loko en: unulita chambro 475 EUR; dulita chambro 385 EUR. Sen Pacoazo: 379 EUR / 309 EUR. Nur Pacoazo ( seminario aù turisma alternativo ): kun luncho - 52 EUR; sen luncho - 29 EUR.

    P1 Tritaga postkongreso en Jordanio

    2 - 4 aùgusto

    Mardo, 2.8 Matene veturigo de Tel-Avivo norden al la ponto Sheik Hussain, limpasejo al Jordanio . Vizito al Um Kais, de kie sternighas bela pejzagho al la Galilea Lago. Poste, al kastelo Adjlun [ Aghlun ], elstara ekzemplo de la araba/islama arkitekturo el la 12-a jarcento, konstruita de Usama Ibn Munkish ( Munqich ), kiu venkis la krucmilitistojn en la jaro 1189, por kontroli la chefan limpasejon inter Jordanio kaj Sirio. Daùrigo suden al la elstara romia urbo Jerash [ Gherash ], norde de Amano. Duhora pieda vizito de ghiaj bele konservitaj ruinoj de temploj, preghejoj, teatroj, kolone chirkaùitaj stratoj, forumo kaj multe pli. Daùrigo al Amano, kie, post mallonga orientigha rondveturo, oni alvenos al la kvarstela hotelo Le Meridien por vespermangho kaj tranoktado.

    Merkredo,3.8 Post la matenmangho veturigo suden al Petra. Mallonga chevalrajdado (alternative kaleshveturo) ghis la uedo (kanjoneto) Siq, kiun oni trairos piede. Admirado de imponaj monumentoj de la nabata kulturo, kiu floris antaù pli ol mil jaroj. Reveno al Amano por vespermangho kaj tranoktado.

    Jhaùdo 4.8 Post la matenmangho veturo al Madaba kaj vizito al katedralo de Sankta Georgo, kie oni vidos la plej malnovan nuntempe ekzistantan mapon de la Sankta Lando - mirinda mozaiko farita ch. la jaro 560 PK (post Kristo). De tie, mallonga busveturo al la monto Nebo (laù la tradicio tie situas la tombo de Moseo), de kie videblas panorama pejzagho de la Jordana Valo kaj la Morta Maro. Vizito al la preghejo sur la montopinto, kun ghiaj grandaj konservitaj mozaikoj el la bizanca epoko. Veturigo al Ponto Allenby. Transiro al Israelo, kaj veturigo al Tel Avivo, Jerusalemo aù al la flughaveno Ben Gurion.

    Inkluzivita: veturo de Tel-Avivo per luksa turisma buso kun faka chicherono kaj E-lingva interpretisto, 3-taga ekskursado, 2 tranoktoj en luksa hotelo Le Meridien ( kun 3 matenmanghoj kaj 2 vespermanghoj ), kaj chiuj enirbiletoj menciitaj en la itinero.
    Ne inkluzivita: lunchoj, trinkajhoj, personaj elspezoj kaj trinkmonoj, kaj la limpasejaj impostoj ( 21 USD ), pagendaj en USD ( bv. prepari la sumetojn de po 15 kaj 6 USD ).
    La partoprenantoj devas havi jordanian vizon, kiun chiu akiru mem en la plej proksima jordania konsulejo en sia ( aù najbara ) lando. Oni nepre menciu ke vi bezonas vizon por limpasejoj Sheikh Hussein (02.08.2000) kaj (aparte!) por Allenby Bridge (04.08.2000). Kiam vi havos la vizon bv. konfirmi tion al la CO.

    Prezoj. Loko en: unulita chambro 395 EUR; dulita chambro 318 EUR.

    Ree al kovrilpagho