|
|
|
Balkana junulara agado por kulturo de paco
|
| Temo
|
| Dum la lastaj jaroj la balkana
duoninsulo estis skuita de sangaj militoj kaj konfliktoj, kiuj profunde
influis la homojn, vivmedion, kulturon kaj ekonomion de la regiono. Krom
tio la konfliktoj havis grandskalan influon sur la europaj
integrighoprocezoj, kaj eble ech determinis ilian direkton. Multas nun
gejunuloj en Balkanio sen laboro, sen klaraj perspektivoj pri sia
estonteco, traumatigitaj de milito kaj perforto. Al la sociaj kaj
ekonomiaj problemoj aldonighas la ekologiaj. Por alfronti sian nunon la
gejunuloj devas faligi la murojn de inter-etna malamo, naciaj mitoj kaj
antaujughoj.
|
| Tio koincidas kun la longjara
laboro de esperantistoj por interkomprenigho trans naciaj limoj. TEJO
ofertas sian sperton pri la organizado de seminarioj pri aktualaj temoj.
TEJO-seminarioj havas kelkjardekan tradicion kaj servas al forigo de
suspektoj kaj superstichoj inter reprezentantoj de diversaj nacioj,
interkultura edukado kaj reciproka amikigho. Dum tiu chi seminario vi
povos trejnighi ne nur pri balkanaj temoj, sed ankau pri TEJO ñ ghiaj
strukturo, funkciado kaj agadkampoj. Unu el la celoj de TEJO estas trejni
novajn aktivulojn, kiuj povos poste sperte agadi en la landoj de la
regiono kaj tutmonde kadre de TEJO.
|
|
|
| La seminario celas eduki kaj
diskutigi la partoprenantojn. Per laborgrupaj diskutoj, debatoj,
kontribuoj de fakuloj, rolludoj kaj vizitoj ni traktos diversajn flankojn
de nia temo ñ Balkana junulara agado por kulturo de paco. Venu sperti,
pensi kaj aktivi; venu kontribui al bonetosa kaj altkvalita seminario.
|
|
|
|
(c) TEJO Ghisdatigho/Update 04 may 2000 |
