Novajhoj pri la 54a IJK
de la 54a IJK
Kongresa
Komitato
Esperanto-
Kursoj
Jam 360 alighoj!!!
Je la 4a de julio la nombro de alighantoj jam atingis 360... chu vi ankorau ne alighis? Faru tuj, char shajne chiuj el viaj amikoj jes venos. Chu vi jes jam alighis? Bonege! Tiukaze ni baldau renkontighos!
Jes, 360 alighoj el 32 landoj! Kaj ankau la preparo de la programo tre bone progresis. Ghis nun la tema programo havas 20 erojn. Inter la prelegantoj: Istvan Nemere, Ivo Osibov, Ivo Borovecki, Floreal Martorell, Jorge Camacho, Thomas Bormann, Spomenka Stimec, Joseph Truong...
Ankau pri la distra programo oni bone zorgis... sed ne chion ni antaue rakontas. Pri la vespera programo tamen mi jam diros ion: JoMo, SEK, Kia Koincido, kaj oni diras ke estos iu speciala festo rilate al TEJO...
(Chi subaj informoj estas de la mezo de aprilo)
La preparoj de la IJK en Rijeka progresas bone!
Jen la plej freshaj informoj pri la 54a IJK de TEJO. Ghis la 13an de marto 1998 alighis 156 personoj el 25 landoj, inter ili el Japanio, Australio kaj Nigherio. Se vi ankorau ne alighis, faru tion baldau, char la dua alighperiodo finighos la 30an de aprilo. Alighilon vi trovos en la hejmpagho de la IJK.
Nuntempe la 12-membra Zagreb-Rijeka LKK preparas sin por la kvina komuna kunsido fine de marto, sed malgrau chiuj okupoj ili tamen havis tempon prepari por vi etan superrigardon de kio estas jam aranghita.
Pretighis la nula numero de la kongresa gazeto "Kongresa Tempo"; 16 paghoj (inter kiuj kvar koloraj) prezentas la kongresan urbon, auspiciantojn, kongresan temon, vesperan kaj distran programojn, ekskursojn, utilajn informojn ktp.
Amaskomunikiloj
- IJK estos tre bone amaskomunikile kovrita! Auspiciantoj estas loka sendependa gazeto "Novi list" kaj loka radio "Radio Opatija". Kun Radio Opatija oni aranghis esperantlingvajn elsendojn dum tag- kaj vesper-manghojn, apartan almenau 15 minutan elsendon por la ghenerala auskultantaro, aliajn erojn laubezone.
- Post 10 jaroj (Zagrebo 1988) oni denove havos kongresan televidon pri kiu zorgos E-profesiulo(j) de la Kroatia Televido.
Antaukongresaj kursoj
- Kadre de koresponda Esperanto-kurso kiu dauros ghis la Kongreso, fine de chiu monato oni lotumas premiojn inter ghustaj respondintoj.
- Rijeka Esperanto-societo chiun unuan mardon de la monato okazigas dumonatan Esperanto-kurson por komencantoj.
- En dusemajna enigmata revuo
"Feniks", eldonata de "Novi list" amaskomunikila
auspicianto de la 54-a IJK en Rijeka, aperis la unua
leciono de koresponda kurso de Esperanto. La kurson
verkas Spomenka Stimec kaj la (tutan!!) paghon redaktas
Sanja Bokulic. Esperanto-pagho aperados ghis la IJK. Oni
lotumos premiojn unufoje monate kaj la chefa premio estas
senpaga restado dum la IJK.
Ekzistado de la E-pagho (eble ech post la IJK) dependas multe de la respondoj de legantaro. Chiukaze, ni petas subtenon de la eksterlanda esperantistaro - bildkarto au letero kun kelkaj salutvortoj rilate al la kurso certe helpos! Korespondemuloj krome povas sendi siajn koresponddezirojn kun adreso al la redakcio de Feniks. La adreso estas:
"Za Feniksov techaj esperanta".
Loghado kaj ejo
- Dormejo, manghejo, sportejo kaj umejo: Studenta domo situanta dek minutojn autobuse de la centro de la urbo.
- Kongresejo: Ekonomia universitato, 8 minutojn piede de la dormejo.
- Memzorgantejo: en la ejoj de la apuda Teknika universitato, oni bezonas kunporti dormosakon!
- Diskejo: en la ejoj de la apuda Medicina universitato, 10 minutojn de la kongresejo (suben) au iom pli revenante.
- Vesperejo: - vespera programo (malfermo, teatrajhoj..) okazos en la centro de la urbo, en t.n. Kroatia Kultura Domo (600 lokoj) au sur la centra placo (koncertoj...). Oni vershajne organizos specialan autobusan transporton de dormejo/kongresejo ghis vesperejo kaj reen (10 minutoj). Promenad-shatantoj bezonos 20/30 minutojn.
- Cetere, kongresaj kartoj validos kiel senpagaj autobusaj biletoj por la urba transporto!
Loka kunlaboro
- Akademiano d-ro Vlatko Pavletic', prezidanto de la kroatia parlamento, konfirmis esti alta protektanto de la Kongreso
- IJK estas organizata en kunlaboro kun Urbo de Rijeka, Turisma komunumo kaj Universitato - oni fondis t.n. "Rijekan Organizan Komitaton" kiu agas paralele kaj en kunlaboro kun LKK. ROK konsistas el spertuloj kaj gravuloj el la Urba Estraro kaj Turisma Komunumo kiuj krom sperto ankau havas teknikajn kaj financajn kapablojn helpi en solvado de certaj organiz-segmentoj. Krome, la Kongreso tiel pli malfermas al la ghenerala publiko kaj ricevas pli da atento.
- Certaj eroj de nia kongresa programo oficiale eniras la programon de la t.n. "Somero en Rijeka"
- Kongresa simbolo estas Moretto, tipe rijekaa suveniro: kapo de la nigrulo portanta la oran turbanon surkape (Kial nigrulo kaj kial turbano? Legu en "Kongresa Tempo"!).
Internaciaj Esperanto-Kursoj
- Dum la tuta semajno okazos ankau Esperanto-kursoj. Legu pri ili chi tie!
Fine
- Kongresontoj estas petataj kunporti sian plej shatatan nacian gazeton kaj espereble ankau gazeton au bultenon eldonitajn de ilia klubo au landa sekcio, char oni organizos ekspozicion.
