EURO.SCOUT.INFO - NUMERO 37 - Junio 2006
Vizitu nian retpaĝon: http://www.scout.org/europe
Por detaloj pri ĉi tiuj kaj aliaj temoj vizitu Europak: www.europak-online.net/ukeurop.html
EURO.SCOUT.INFO - NUMERO 37 - Junio 2006
Vizitu nian retpaĝon: http://www.scout.org/europe
Por detaloj pri ĉi tiuj kaj aliaj temoj vizitu Europak:
www.europak-online.net/ukeurop.html
Eŭropa Regiono de WOSM kaj Eŭropo Regiono WAGGGS organizas, subtene de la Eŭropa Junulara Fondaĵo, Seminarion pri preparado de faciligantoj de agadoj dum Roverway, rilatan al la kampanjo “Ĉiuj malsamaj, ĉiuj egalaj” de la Konsilio de Eŭropo. Post la evento, la partoprenontoj estos trejnantoj kaj faciligantoj dum pluraj laborsesioj organizitaj dum la dua parto de Roverway same kiel dum la oficiala lanĉo de la kampanjo “Ĉiuj malsamaj, ĉiuj egalaj” en Italio, okazonta la 12n Aŭgusto en la tendaro Roverway.
Klaku ĉi tien por pli da informo kaj aliĝiloj:
http://scout.kaleis.com/index.php?idsousrubrique=318 (retisto 2006-11-18: paĝo ne plu ekzistas)
Ĉijare, la ĉiujaran Kunvenon por Ambasadoroj de Landoj de Aventuro oni organizos en Prago, inter la 6a - 8a Oktobro 2006.
Klaku ĉi tien por pli da informo kaj aliĝiloj:
http://scout.kaleis.com/index.php?idsousrubrique=321 (retisto 2006-11-18: paĝo ne plu ekzistas)
La Kerna Grupo pri Plenkreskulaj Rimedoj kunvenis en Vilnio, Litovio,
de la 5a ĝis la 7a de Majo. Krom ĝenerala diskutado,
oni komencis labori pri la pretigo de diversaj rimedoj, kiuj
disponeblos baldaŭ. La kunveno ankaŭ konsideris la diskutojn
kiuj okazis dum la Eŭropa Skolta Simpozio kaj komencis konsideri la
celojn por ĉi tiu laborareo en la venonta
Regiona Skolta Plano. Ĉi tiuj pensoj estas dokumentitaj kaj troveblas
sur la virtuala komunumo de la Reto de Plenkreskulaj
Rimedoj:
http://www.communityzero.com/arn
Laborsesio pri Trejnsistemoj okazis en la Eŭropa Junulara Centro,
Budapeŝto, Hungario, de la 9a - 11a Junio. La celo de la
laborsesio estis helpi la Eŭropan Skoltan Regionon
de WOSM disvolvigi kaj produkti ilaron uzeblan far NSA-j kiuj
konsideras la taksadon, planadon kaj ekstarigon de nova aŭ
revizita trejnsistemo por plenkreskaj estroj.
Raporton pri la semajnfino oni kompilas, sed diskutoj pri la temo
daŭras ĉe la virtuala komunumo de la Reto de Plenkreskulaj
Rimedoj:
http://www.communityzero.com/arn
Ĉi tiu seminario, kiu okazos en la Internacia Skolta Centro en Kandersteg de 16a ĝis 19a de Novembro 2006, celos liveri konon al la partoprenontoj pri la eblecoj de e-lernado por trejnado de plenkreskuloj kaj komencos debaton pri ĝia apliko por trejnado de plenkreskuloj en LSA-j. La celoj inkluzivas: Pripensoj pri bezonoj de trejnado de plenkreskuloj en la landaj asocioj (kiel ili estas difinitaj; kie estas la breĉoj); Pripensoj pri la nuna trejnrealo (trejnstrukturo kaj metodologio uzata); Enkonduko al e-lernado - Kiel ĝi aspektas kaj kion ĝi ofertas, el la vidpunktoj de trejnato kaj trejnanto; Diskuti implikojn por trejnado en LSA-oj kaj identigi eventualajn defiojn.
Inviton oni dissendis kaj oni esperas ke estos bona partoprennivelo.
Notu ke ĉi tiu evento ne estas teknike altnivela. Ĝi
fokusiĝos pri alternativaj metodoj por diskonigo de trejnado de
plenkreskuloj kaj do, ĝi estos precipe alĝustigata por
trejnantaj komisiitoj kaj mastrumantoj pri plenkreskulaj rimedoj. Se
vi interesiĝas pri ĉeesto, bv konsulti
la ĵusan inviton, aŭ kontakti Milutin Milosevic por pli da informo:
milutin
euro.scout.org
Ĉi tiu laborsesio okazos de la 14a ĝis la 17a de Decembro 2006. Proksime de la Jarcento de Skoltismo, ĉi tiu oportuna
laborsesio esploros kiel plej bone ekspluati la Jarcenton kiel ilo por varbi plenkreskulojn en gvidadon kaj subtenajn rolojn.
Se vi interesiĝas, bv kontakti Milutin Milosevic por pli da informo:
milutineuro.scout.org
Diskuto komenciĝis sur la virtuala komunumo de la Reto de
Plenkreskulaj Rimedoj, pri la ĉefaj areoj rilataj al
Plenkreskuloj en skoltismo kaj la venonta Regiona Skolta Plano
2007-2010. Ĉi tiu diskuto sekvas la utilajn sesiojn okazintajn dum la Eŭropa Skolta Simpozio komence de ĉi tiu jaro. La
rezultojn de la diskutoj oni uzos por daŭrigi la pretigon de ĉi tiu laboro. Ne hezitu diskonigi viajn komentojn, vizitu:
www.communityzero.org/arn
EuroTrejno ankoraŭ malfermas! Bv viziti scout.org/europe por lerni pli
pri ĉi tiu ebleco. Ni antaŭvidas ricevi viajn
aliĝilojn ĝustatempe. Se vi havas ian ajn demandon pri EuroTrejno,
bv kontakti Milutin Milosevic,
milutineuro.scout.org
Reprezentantoj el pluraj LSA-oj kunvenis en Londono por diskuti pri subteno al Skoltismo en Sudorienta Eŭropo, de la 27a ĝis la 28a de Majo. La LSA-oj, kiuj nun agadas en SEE, interkonigis informojn pri la laboro kiu implikas ilin. Ili ankaŭ diskutis kiel pli bone certiĝi ke la subteno kiun ili ofertas trafas realajn bezonojn en la lokaj LSA-oj kun kiuj ili volas kunlabori. La LSA-oj petis al la Eŭropa Skolta Regiono ludi pli grandan kunordigan rolon por certigi la plej bonan uzon de rimedoj.
Venonta kunveno okazos inter la NSA-j kiuj ofertas subtenon, kaj
tiuj, kiuj entuziasme ricevos ĝin. La kunveno ankaŭ
ricevis raportojn pri la Moba kaj Hajde! projektoj kaj pridiskutis la
nunajn situaciojn en Montenegro kaj
en Kosovo. Plenan raporton pri la kunveno oni dissendos al Internaciaj
Komisiitoj tre baldaŭ. Dume, se vi havas ian ajn
demandon bv ne heziti kontakti Jordan;
jbajraktarovworldnet.scout.org aŭ Craig; cturpieworldnet.scout.org.
Bonaj novaĵoj: la Konsilio de Ministroj de EU (la ministroj de la anaj ŝtatoj de la EU kiuj respondecas pri
junularo/edukado, ktp) rekonis ne-formalan edukadon en ilia kunveno de
la 18a ĝis la 19a de Majo. Vi povas trovi la skizajn
konkludojn de la Konsilio ĉe:
http://www.consilium.europa.eu/ueDocs/cms_Data/docs/pressData/en/edu/89661.pdf. (Paĝo ne plu ekzistas.)
Klaku ĉi tien - iru al paĝo 34. Ĉi tiu estas tre pozitiva evoluo por gejunuloj kaj junularaj organizoj tra Eŭropo, ne nur en EU. Tamen, la defio nun estas premadi sur la anajn (kaj kandidatajn) ŝtatojn de la EU, la Eŭropan Komisionon kaj la Eŭropan Parlamenton por aprobi la rezolucion. Nun la junulara sekcio bezonas montriĝi eĉ pli proaktiva en la difino de kvalitnormoj pri ne-formala edukado.
La Dokumentaro de la Konsilio povus esti la komenco de io nova.
Sendube la Eŭropa Skoltismo, vi, per landaj agadoj kaj Eŭropa ĉeesto, helpis akiri rekonon. Se vi ŝatus scii pli pri la rekono de
ne-formala edukado, la EU, la dokumento de la Konsilio
aŭ kiel vi povas helpi pli, bv ne heziti kontakti nin en la Brusela
oficejo, Mike ĉe; mwalker@euro.scout.org aŭ Pascale ĉe;
pboulangereuro.scout.org
La Konsilio de Eŭropo (CoE) gastigis kunvenon de instancoj implikitaj en la subteno de aktiva agado kaj disvolvigo de
junulara politiko en SEE, en Ateno, de la 1a ĝis la 4a de Junio. La
CoE deziregas ke estu pli granda implikiĝo far la
Eŭropaj institucioj kaj landaj registaroj kaj pli granda kunlaboro kaj
reciproka subteno far NRO-oj en disvolvigo de junulara
politiko per aktiva agado en SEE. Unu propono de la kunveno estas
starigi koalicion de trejnantoj en SEE. Pere de MOBA, kaj
nun Hajde, nun oni rekonas WOSM kiel spertulo pri junulara partopreno
kaj trejnado - plia implikiĝo de aliaj instancoj en
SEE estos granda ebleco por Skoltismo interkonigi kaj profiti pli
grandan subtenon, financan kaj spertan. Se vi ŝatus scii
pli pri la kunveno, la CoE aŭ Hajde, sendu e-poŝton al Mike ĉe;
mwalkereuro.scout.org aŭ Jordan ĉe
jbajraktarovworldnet.scout.org
Eŭropa Kunveno de Sekretarioj de Poŝkestoj okazos de la 1a ĝis la 3a
de Septembro en Stara Dubrowa, proksime de Varsovio,
Pollando. La programo de Poŝtkestoj helpas Geskoltojn el la tuta
mondo interkonigi unu la aliajn per e-poŝto au eĉ nur per
tradiciaj poŝtkartoj. Ĉiuj geskoltoj interesitaj sendu ilian
kandidatiĝon al Sekretario de Poŝtkesto, kiu trovos
poŝt-amikon al ili, prikonsiderante ilian aĝon, genron aŭ specialajn
interesojn. La celo de la kunveno estas ebligi
Sekretariojn de Poŝtujoj interkonigi spertojn, opiniojn, kaj ideojn
pri la programo. La partoprenkotizo estas nur €75 por
EU landoj. Partoprenkotizon por landoj de Orienta Eŭropo oni difinos
post ol kolekto de aliĝiloj, sed ni
antaŭvidas ke ĝi ne estos pli ol €30. Se vi ŝatus fariĝi Sekretario
de Poŝtujo aŭ lerni pli bv kontakti Arkadiusz
Gasperczyk, postboxzhp.pl.
De la 24a Julio - 2a Aŭgusto 2007 venu al la plej granda arbaro de Danio kaj aniĝu al ĵamboreo en la arbaro Rold. En Julio kaj Aŭgusto 2007 ni festos la 60n datrevenon de nia unua Skolta Ĵamboreo, kaj la jarcento de la unua tendaro ĉe Insulo Brownsea. Ni bonvenigos 1,000 Skoltojn el la tuta mondo. Ĉu vi volas lerni pli? Vizitu: http://www.rold07.dk
Global Explorer estas projekto kiun komencis la Internacia Teamo de
Anglaj Skoltoj kiu starigas nunajn bonaj praktikojn kaj
esperas disvastigi ilin al pli grandan rondon. Ĝi estas stimulilo por
organizantoj liveri kvalitan programon kaj helpi ilin
diskonigi ilian tendaron. Global Explorer estas sistemo de rekono por
bona "internacia" programado. Eventoj en
Anglio kiu aliĝis al la iniciato havas ilian eventon kiel livero de
programeblecoj por partoprenantoj kiuj fariĝos
“Tutteraj Esplorantoj”. Se vi ŝatus scii pli, vi povas elŝuti
priskriban slipon ĉe:
http://www.scoutbase.org.uk/library/hqdocs/facts/pdfs/fs260070.pdf
11a Retrenkonto por Geskoltoj en Landaj kaj Eŭropaj Junularaj
Strukturoj en Italio
Findato: 15a Septembro 2006
7a Eŭro-Araba Kunveno en Tunizo, Tunizio
Findato: 4a Septembro 2006
Laborsesio pri Trejnsistemo en Budapesto, Hungario
Findato: 11a Septembro 2006
Seminario pri E-Lernado en Internacia Skoltcentro Kandersteg, Svislando
Findato: 15a Septembro 2006
Strategio por Skoltismo: http://www.scout.org/strat/indexen.shtml
Tiu ĉi eldonaĵo de la Monda Organizo de la Skolta Movado estas dissendata per la servo liverita de Global Scoutnet (http://www.scoutnet.org), monda kumunikservo por geskoltoj kaj plenkreskaj estroj.
Esperantigis Ricardo Carrillo
Revizis Guido Ricci
Ĝenerala Sekretario
Skolta Esperanto Ligo
www.esperanto.org/skolta