BONVENON AL ESPERANTO Komencanta Esperanto (3 stud-unuoj) Baza trejnado en norma parola kaj skriba Esperanto por gelernantoj novaj al la lingvo, kun enkonduko al la historio de la lingvo, ĝia aktuala amplekso, kaj alligitaj idealoj. Pritraktado de la uzo de Esperanto por internacia kaj interkultura komunikado, aparte en vojaĝado, edukado, kaj literaturo. Kosto: USD900 GAJNI MEMFIDON EN ESPERANTO Progresinta Esperanto I (3 stud-unuoj) Por tiuj kiuj jam faris komencan studadon de Esperanto. La emfazo estos sur la interparola kapablo, laŭgrade progresanta kompreno pri strukturo kaj leksiko, kaj konatiĝo kun bazaj scioj kaj situacioj tipaj por interkulturaj renkontiĝoj en Esperanto. Kelkajn aspektojn de la historio kaj kulturo de Esperanto oni pritraktos pli detale. Kosto: USD900 ESPERANTO EN LA PRAKTIKO Progresinta Esperanto II (3 stud-unuoj) Por tiuj kiuj kapablas kompreni kaj partopreni lecionojn gvidatajn tute en Esperanto. Larĝa gamo de teknikoj kaj materialoj evoluigos lingvajn kapablojn laŭ diversaj funkcioj, kune kun la kulturaj scioj kaj perspektivoj necesaj por efike uzi Esperanton diverscele. Kosto: USD900 LINGVO, LINGVISTIKO, KULTURO, LITERATURO Supera Esperanto (3 stud-unuoj) La kurso respondos la bezonojn de spertaj studentoj pri diversaj fakoj, inkluzive de Esperantaj lingvistiko kaj literaturo, specialaj lingvaj kapabloj (tradukado, interpretado, verkado, oratorado), kaj sociaj, kulturaj, kaj politikaj aspektoj de la Esperanto-komunumo. Tiu plurcentra fokuso aparte utilas por tiuj kiuj pretigas sin instrui aŭ trapasi altnivelajn ekzamenojn en Esperanto. Kosto: USD900

ELNA/ESF stipendioj Studentoj kaj instruistoj povas ricevi partan subvencion de la kostoj de kurso kaj loĝado. Oni invitas klubojn kaj individuojn rekomendi kandidatojn por superaj studoj. Interesitoj sendu esperantlingvan petilon al Ellen Eddy, nepre inkluzive sian Esperantan historion rilate al lernado, instruado, kaj spertoj.

Riĉigaj eblecoj Vesperaj kaj semajnfinaj program(er)oj diversspecaj donos pliajn eblojn neformale esplori aliajn aspektojn de Esperantaj lingvo kaj kulturo. Tiuj eventuale inkludos ludojn, grup-kantadon, prikulturajn prelegojn, lumbildajn prezentaĵojn, poeziajn vesperojn, oratoradon, interkulturajn diskutojn, piknikojn, kaj ekskursojn. Partoprenontoj kiuj volas proponi specialan programeron, bv. turnu sin al Ellen Eddy.