TUTMONDA ESPERANTISTA JUNULARA ORGANIZO
Regularo pri Tutmonda Esperantista Junulara Organizo
Teksto valida je 5 augusto 1989.
Noto: Cirkulas teksto de januaro 1994, kiu ne validas. Ghi diferencis nur en artikolo 2-10.
CHAPITRO 4
FINANCOJ
1. Pasivoj
(1) La pasivoj de TEJO estas la junulara fondajho, la rezervo IJK kaj la shuldoj de TEJO.
(2) La pasivoj de TEJO jure estas pasivoj de UEA.
(3) La estraro de UEA povas transigi sumon de la junulara fondajho al la rezervo IJK, au inverse, post konsultigho kun TEJO.
2. Aktivoj
(1) La aktivoj de TEJO estas la shuldoj al TEJO kaj ghiaj monrimedoj, stokoj kaj ekipajhoj.
(2) La aktivoj de TEJO jure estas aktivoj de UEA.
(3) Krom en esceptaj kazoj, la monrimedoj de TEJO:
(i) ne estas apartigitaj de la aliaj monrimedoj de UEA; kaj
(ii) estas che bankoj deponitaj kaj en valorpaperoj investitaj lau la decidoj de tiuj, kiuj respondecas respektive pri la deponado kaj investado de la monrimedoj de UEA.
(4) Oni traktas tiun parton de la monrimedoj de TEJO, kiun TEJO indikas por la aplikado de chi tiu paragrafo, kiel fiksdatan deponon che UEA, asignante al ghi renton lau la koncernaj preskriboj de la regularo de UEA pri fiksdataj deponoj.
3. Spezoj
(1) La enspezoj de TEJO estas tiuj sumoj, per kiuj oni kreditas la junularan fondajhon au la rezervon IJK, kun escepto de sumoj transigitaj de unu al la alia.
(2) La elspezoj de TEJO estas tiuj sumoj, per kiuj oni debetas la junularan fondajhon au la rezervon IJK, kun escepto de sumoj transigitaj de unu al la alia.
(3) Oni kreditas la junularan fondajhon per:
(i) sumo, pro chiu individua membro de TEJO en la membrokategorioj MJ-K kaj MA-K, egala al kvarono de la kotizo MJ-K por tiu persono;
(ii) duono de la kotizoj de la aligitaj membroj de TEJO;
(iii) duono de la kotizoj de la asociaj membroj de TEJO;
(iv) la kotizoj de la patronoj de TEJO;
(v) chiuj donacoj, heredajhoj kaj subvencioj destinitaj al TEJO;
(vi) tiu sumo pagenda de la IJK, kiu estas menciita en artikolo 7-3(2)(v);
(vii) triono de la eventuala profito de la IJK;
(viii) la rento asignita lau artikolo 4-2(4) tiom, kiom ghi estas atribuebla al la junulara fondajho; kaj
(ix) sumoj transigitaj de la rezervo IJK.
(4) Oni kreditas la rezervon IJK per:
(i) triono de la eventuala profito de la IJK;
(ii) la rento asignita lau artikolo 4-2(4) tiom, kiom ghi estas atribuebla al la rezervo IJK; kaj
(iii) sumoj transigitaj de la junulara fondajho.
(5) Oni kreditas la junularan fondajhon per chiuj aliaj enspezoj de UEA tiom, kiom ili estas atribueblaj al TEJO, kun escepto de enspezoj pro la administrado de IJK-kotizoj en la centra oficejo.
(6) La estraro de UEA povas krediti la junularan fondajhon au la rezervon IJK ankau per aliaj sumoj.
(7) Oni debetas la rezervon IJK per:
(i) la eventuala deficito de la IJK, sed nur ghis la pli malalta el:
(a) dudekono de la sumo de la bughetitaj kostoj; kaj
(b) triono de la kredita saldo de la rezervo IJK en la dato de la kongresa kontrakto; kaj
(ii) sumoj transigitaj al la junulara fondajho.
(8) Oni debetas la junularan fondajhon per:
(i) duono de la eventuala deficito de la IJK post subtraho de tiu parto de la deficito, kiu estas por la debeto de la rezervo IJK; kaj
(ii) sumoj transigitaj al la rezervo IJK.
(9) Oni debetas la junularan fondajhon per tiuj sumoj, kiuj estas por la debeto de la rezervo IJK en okazo, se la rezervo IJK elcherpighas.
(10) Oni debetas la junularan fondajhon per chiuj aliaj elspezoj de UEA tiom, kiom ili estas atribueblaj al TEJO, kun escepto de elspezoj pro:
(i) la administrado de IJK-kotizoj en la centra oficejo;
(ii) la librotenado de la financo de TEJO;
(iii) la administrado de paginstrukcioj de TEJO;
(iv) tiuj reklamoj, kiuj estas menciitaj en artikolo 6-3;
(v) la aperigo de informoj pri TEJO en la jarlibro;
(vi) la aperigo de TEJO-pagho en Esperanto;
(vii) la aperigo de chapitro pri TEJO en la estrara raporto de UEA;
(viii) la eldonado de Kontakto;
(ix) la distribuado de Kontakto al la individuaj membroj de TEJO;
(x) la observanto de la estraro de UEA che la estraro de TEJO; kaj
(xi) la traktado de TEJO-aferoj che tiuj organo de UEA, kiuj ne estas organoj de TEJO, kaj ankau kun escepto de tiuj elspezoj, kiuj lau artikolo 6-2(7) ne estas por la debeto de la junulara fondajho.
4. Librotenado
(1) La centra oficejo librotenas la financojn de TEJO kiel parton de la financoj de UEA.
(2) La centra oficejo adekvate indikas en sia librotenado de la financoj de TEJO la karakteron kaj devenon de chiu unuopa spezo.
5. Paginstrukcioj
(1) La centra oficejo pagas sumon el la monrimedoj de TEJO, se:
(i) ghi ricevas instrukcion lau formularo preskribita de la direktoro de la centra oficejo, kiu estas subskribita:
(a) en okazo de sumo, kiu ne superas sumon difinitan de TEJO por la aplikado de chi tiu paragrafo, fare de au prokure por la kasisto de TEJO; au
(b) en okazo de sumo, kiu superas tiun limon, fare de au prokure por (1) la kasisto de TEJO kaj (2) la prezidanto au la ghenerala sekretario de TEJO; kaj
(ii) en okazo de sumo, kiu superas 2 trionojn de la entuta sumo de la monrimedoj de TEJO, rajtigas la centran oficejon ankau la estrarano de UEA pri financo.
(2) La centra oficejo ne demandas, chu difinita paginstrukcio estas donita lau rajtigo trovighanta en statuta au regulara preskribo de UEA, au en akto de TEJO, kaj kondiche, ke la instrukcio mem plenumas la preskribojn de chi tiu artikolo, la centra oficejo ne respondecas, se tia rajtigo efektive mankas.
