TUTMONDA ESPERANTISTA JUNULARA ORGANIZO

Komitata Reglamento

Teksto valida je 30a de julio 1998

Tiu chi reglamento estis akceptita dum la komitatkunveno en la IJK en Rijeka, 1998, kaj anstatauas la tekston el la broshuro kun mencio "Teksto valida je 7 augusto 1995".
  1. DIFINOJ
    En tiu chi Reglamento:
    1. "La Organizo" signifas Tutmondan Esperantistan Junularan Organizon.
    2. "La Regularo" signifas la Regularon de la Organizo.
    3. La terminoj "anstatauanto","Estraro", "Faka Sekcio","Ghenerala Sekretario", "Komitato", "Landa Sekcio" kaj "Vicprezidanto" signifas tiujn estrarojn de la Organizo kiuj estas same nomitaj en la Regularo.
    4. "UEA" signifas Universalan Esperanto-Asocion tian kia ghi estas difinita de artikolo 2-2 de la Regularo.
    5. "Li" signifas li-n kaj shi-n.
    6. "Prezidanto" signifas la Prezidanton de la Organizo. Okaze de lia necheesto, ghi signifas homon kiu anstatauas lin.
    7. "Unua Vicprezidanto" signifas,el pluraj Vicprezidantoj, tiun kiu estas unua lauvice, el unu Vicprezidanto la Vicprezidanton.
    8. "Dua Vicprezidanto" signifas, el pluraj Vicprezidantoj, tiun kiu estas dua lauvice.
    9. "Tria Vicprezidanto" signifas, el tri Vicprezidantoj, tiun kiu estas tria lauvice.
    10. "Kasisto" signifas la estraranon pri financoj de la Organizo.
    11. "Sesio" signifas chiun kunsidon de la Komitato kiu ne estas rompita per prokrasto ghis posta momento au tago, sed povas esti rompita per mallongaj pauzoj.
    12. "Kunveno" signifas aron de sesioj kiuj havas komunajn konvokigon kaj tagordon.
    13. "Prezidanto de la Komitato" signifas la homon, kiu je iu ajn momento, efektive kaj laurajte prezidas sesion.
    14. "Komitatano" signifas iun ajn el la homoj tiel menciitaj en artikolo 3-2 ghis 6 de la Regularo. Dum ties periodo de ofico, ghi signifas ankau anstatauanton de komitatano A.
    15. "Ghenerala Direktoro" signifas tiun personon de UEA kiu estas same nomita en paragrafo 44 de la Statuto de UEA.
    16. "Patrono" signifas subtenanton de la Organizo tian kia li au shi estas difinita de artikolo 2-11 de la Regularo.
    17. "Membro" signifas Individuan, Asocian au Alighintan Membron de la Organizo tiajn kiaj ili estas difinitaj de artikolo 2-10 de la Regularo.
    18. "Partopreno" en decido signifas:
      1. En kunveno, chiun komitatanon kiu sin anoncis kiel partoprenanto al la chefprotokolanto per subskribo de listo malfermita plej malfrue de la unua sesio;
      2. En poshta vochdono, chiun komitatanon kies vochdonilon ghustatempe ricevas la Ghenerala Sekretario.
    19. El pluraj eblecoj:
      1. "Plimulton" havas tiu, kiun elektis pli da partoprenantoj ol elektis iun ajn unuopan alian eblecon;
      2. "Plejmulton" havas tiu, kiun elektas pli ol duono de la partoprenantoj;
      3. "Dutrionan plimulton"havas tiu, kiun elektas pli ol du trionoj de la partoprenantoj.
    20. "Reglamento" signifas tiun chi Reglamenton, nome la Komitatan Reglamenton de la Organizo.
    21. "Reglamentoj" signifas chiujn reglamentojn de la Organizo, tiajn kiaj ili estas difinitaj de artikolo 2-7(6) kaj (7) de la Regularo, konsideratajn aran unuon.
    22. "Sindeteni" signifas ne vochdoni.
    23. "Sendi" signifas irigi tiel, ke lau supozo de la sendinto, la sendajho alvenos che sia celo ne pli ol 15 tagojn poste.
    24. "Kotizinta" signifas, ke la koncerna homo ricevigis sian kotizon al la Centra Oficejo.
  2. KOMPETENTECO
    1. La Komitato estas la supera instanco de la Organizo. Ghi:
      1. difinas la gheneralan agadon de la Organizo;
      2. elektas estraranojn kaj rajtas eksigi ilin;
      3. decidas pri la agado de la Estraro;
      4. aprobas la bugheton kaj ekzamenas la financojn de la Organizo;
      5. decidas pri akcepto kaj eksigo de Landaj kaj Fakaj Sekcioj;
      6. decidas pri akcepto kaj eksigo de honoraj prezidantoj kaj de honoraj membroj;
      7. decidas pri eksigo de Patronoj;
      8. decidas pri reglamentoj;
      9. decidas pri aliaj aferoj ne rezervitaj al aliaj organoj au instancoj.
    2. La Komitato ankau povas decidi pri chiuj aferoj, pri kiuj kompetentas la Estraro au unuopa estrarano; komitata decido tiam nuligas kontrauan estraran au estraranan decidon.
  3. KOMITATANOJ KAJ ANSTATAUANTOJ
    1. Chiu Landa Sekcio kaj Faka Sekcio devas nomumi sia(j)n komitatano(j)n A skribe al la Ghenerala Sekretario. Plej malfrue kun sia nomumo, Landa Sekcio au Faka Sekcio devas skribe informi la Gheneralan Sekretarion pri kiom ghi pagis al la Organizo pro sia kotizo priskribita de artikolo 2-10(3) de la Regularo. Se Landa Sekcio au Faka Sekcio pagis tiun kotizon pere de Landa Asocio de UEA au de alia organizo, au se tiun kotizon ricevis UEA anstatau TEJO, tion devas skribe konfirmi la Landa Asocio au alia organizo au, respektive, UEA, plej malfrue kun tiu nomumo. Nomumo estas nevalida se la Ghenerala Sekretario ne ricevas tian konfirmon.
    2. Landa Sekcio au Faka Sekcio rajtas malnomumi (eksigi) komitatanon A nomumante alian komitatanon A skribe al la Ghenerala Sekretario.
    3. Nomumo de anstatauanto de komitatano A devas esti farita skribe al la Ghenerala Sekretario, kaj devas esti skribe aprobita de la koncerna komitatano A kaj de la koncerna Landa au Faka Sekcio.
    4. La Ghenerala Sekretario devas ricevi nomumon de anstatauanto plej malfrue dum la unua sesio de la kunveno.
    5. Chiu komitatano A povas nomumi nur unu anstatauanton por chiu kunveno. Dum la koncerna kunveno la anstatauata komitatano havas neniujn komitatajn rajtojn.
  4. POSHTA VOCHDONO
    1. Chiu komitatano rajtas postuli poshtan vochdonon pri iu ajn decidota punkto. Se la Komitato estas kunvenanta,poshta vochdono okazas se la Komitato akceptas la postulon. Se la Komitato ne estas kunvenanta, poshta vochdono automate okazas.
    2. Gvidas poshtan vochdonadon la Ghenerala Sekretario.
    3. Ghis la 15a de oktobro, la 30a de januaro kaj la 10a de majo la Ghenerala Sekretario sendas al la komitatanoj la proponojn eventuale alvenintajn che li ghis respektive la 1a de oktobro, la 16a de januaro kaj la 26a de aprilo. Chiun fojon li sendas kun la proponoj vochdonilon per kiu chiu komitatano povas indiki pri chiu propono poran au kontrauan vochon, au sian sindetenon.
    4. Se la Ghenerala Sekretario ne ricevis proponojn ghis la limdato, li ne devas skribi al la komitatanoj por informi ilin pri tio.
    5. Estas validaj tiuj vochdoniloj, kiujn la Ghenerala Sekretario rericevas plej malfrue 45 tagojn post ilia forsendo.
    6. Se plejmulto de la partoprenantoj ne sindetenas, tiu el la poro kaj la kontrauo kiu havas la plimulton venkas. Okaze de egaleco decidas la Prezidanto. Se simpla plejmulto de la vochdonantoj sindetenas, oni konsideras tion decido (tion kiam la oÞciala gazeto aperas ses fojojn en jaro; kiam la oÞciala gazeto aperas kvarfojojn en jaro, anstatau 136 tagoj estu 161 tagoj) ne vochdoni poshte pri tiu propono.
    7. La Ghenerala Sekretario sendas al la komitatanoj, Landaj kaj Fakaj Sekcioj informon pri la rezulto de chiu poshta vochdono plejmalfrue 60 tagojn post la forsendo de la vochdoniloj.
  5. OKAZO KAJ KUNVOKO DE KUNVENO
    1. Ordinara komitatkunveno okazas unu fojon jare; krome,eksterordinaraj komitatkunvenoj okazas launecese.
    2. Ordinara kunveno okazas dum, kaj en la kadro de, la Internacia Junulara Kongreso (IJK). Se la kunvokanto opinias tion utila, ghi povas komencighi maksimume tri tagojn antau la IJK au finighi tri tagojn post la IJK.
    3. Kunvokas ordinaran kunvenon la Ghenerala Sekretario. Li sendas skriban inviton al chiu homo nomumita kiel komitatano por la koncerna oficperiodo, chiu anstatauanto kaj al la Ghenerala Direktoro, kaj kopie al chiu Landa kaj Faka Sekcio almenau 45 tagojn antau la komenco de la kunveno. Kun la invito li sendas la tiam validan tekston de la Regularo kaj de la Reglamentoj.
    4. Eksterordinara kunveno okazas kiam tion postulas au la Estraro,au kvinono de la komitatanoj, au la Estraro de UEA se chi tiu opinias ke la Estraro de la Organizo ne funkcias kaj ke tiu nefunkciado devas esti urghe traktata.
    5. Kunvokas eksterordinaran kunvenon au la Ghenerala Sekretario au la instanco kiu postulas ghin. La kunveno devas okazi en urbo, elektita de la kunvokanto, kie estas oficejo de la Organizo/UEA, au en internacia Esperanto-renkontigho tiucele aprobita de la Estraro de TEJO. La kunvokanto sendas skriban inviton al chiu komitatano, chiu anstatauanto kaj al la Ghenerala Direktoro kaj kopie al chiu Landa kaj Faka Sekcio, almenau 50, sed ne pli ol 80, tagojn antau la komenco de la kunveno. La invito informas pri la loko, tago kaj horo de la unua sesio de la kunveno, kaj enhavas proponon pri la tagordo.
  6. PARTOPRENO EN KUNVENO
    1. Chiu komitatano povas cheesti, paroli kaj vochdoni en chiu kunveno de la Komitato.
    2. Chiu membro, honora membro, honora prezidanto, patrono,komisionano kaj komisiito de la Organizo povas cheesti kaj paroli en chiu kunveno de la Komitato. La Komitato povas tamen decidi ke iu(j) au chiuj el chi tiuj ne povas paroli.
    3. Chiu homo ne jam aludita povas cheesti, sed ne povas paroli,dum chiu kunveno, se la Komitato ne decidas kontrau ties cheesto. La Komitato tamen povas decidi ke iu(j) au chiuj el tiuj chi povas paroli.
    4. La artikoloj 3.5, 12.2 kaj 14.3 de la Reglamento ne kontrauas tiun chi paragrafon.
  7. DUMKUNVENAJ LABORORGANOJ
    1. La dumkunvenaj labororganoj de la Komitato estas la Mandata Komisiono, la Propona Komisiono, la Vochdona Komisiono kaj la Kandidata Komisiono. Chiu labororgano havas almenau du membrojn. Unu homo povas esti membro de pli ol unu labororgano.
    2. Por chiu labororgano la Estraro au la kunvokinto proponas liston de membroj, kiun la Komitato eventuale modifas ghis ghi akceptas la proponon.
    3. La Mandata Komisiono kontrolas la komitatanecon de chiu homo kiu deziras partopreni la kunvenon kiel komitatano. La Mandata Komisiono raportas pri tio al la Komitato.
    4. La Propona Komisiono laupete helpas komitatanojn pretigi proponojn por la Komitato.
    5. La Vochdona Komisiono launecese nombras vochojn dum la kunveno kaj raportas al la Komitato.
    6. Antau la elektoj la Kandidata Komisiono prezentas al la Komitato la nomojn de chiuj kandidatoj. La Komisiono povas rekomendi kandidatojn kiuj, lau la takso de la Komisiono, bone plenumus la respondecojn de la koncernaj oficoj se ili estus elektitaj. Membroj de la Komisiono ne kandidatas.
  8. KVORUMO
    1. Kunveno estas kvoruma kaj decidopova kiam ghin partoprenas almenau triono de la komitatanoj.
    2. Kvorumon en kunveno kontrolas la Ghenerala Sekretario kaj, post la starigo, la Mandata Komisiono.
  9. TAGORDO
    1. Proponojn pri tagorderoj oni alvenigas che la kunvokanto plejmalfrue 15 tagojn antau la komenco de la kunveno.
    2. La kunvokanto kompilas por la kunveno tagordproponon kiu enhavas chiun proponitan eron kaj krome la jenajn devigajn erojn:
      1. Malfermo
      2. Eventuala elekto de prezidanto de la Komitato
      3. Proponoj pri:
        • Vochdona Komisiono
        • Mandata Komisiono
        • Kandidata Komisiono
        • Propona Komisiono
      4. Fikso de cetera tagordo
    3. La tagordproponon estas prezentita al la kunveno je la malfermo, kaj la kunveno laboras lau ghi ghis inkluzive ero 4.
    4. La kunveno tiam amendas la tagordproponon eventuale aldonante,modifante au nuligante erojn ghis la akcepto de la tuta propono.
    5. Post tiu akcepto eblas amendi la tagordon nur per dutriona plejmulto.
  10. PREZIDADO KAJ PROTOKOLADO
    1. La Prezidanto normale estas la Prezidanto de la Komitato. Se necese, lin lauvice anstatauas la unua, dua kaj tria Vicprezidanto.Se neniu el tiuj povas esti Prezidanto de la Komitato, la Komitato elektas kiu prezidas ghin.
    2. Respondecas pri la protokolo de la kunveno de la Komitato la Ghenerala Sekretario. La Ghenerala Sekretario povas laubezone nomumi protokolantojn.
    3. La Ghenerala Sekretario sendas unu kopion de la protokolo al chiu komitatano, anstatauanto, Landa kaj Faka Sekcioj, ene de 45 tagoj.
    4. La protokolo ekvalidas 45 tagojn post sia dissendo se en tiu periodo neniu cheestinta komitatano au anstatauanto postulas poshtan vochdonon, proponante specifan ghustigon. La valida protokolo estas la unusola autoritata dokumento pri la kunveno.
  11. PROCEDURO
    1. Post akcepto de la tagordo, la Komitato traktas chiun tagorderon lauvice, sub gvido de la Prezidanto de la Komitato.
    2. Ekparoli oni povas nur post permeso de la Prezidanto de la Komitato, kiu ankau povas fari liston de la parolantoj. La Komitato povas laubezone decidi pri limigo de la paroldauro de chiu parolanto dum la trakto de difinita tagordero.
    3. Se ne prezentighis specifa propono pri iu tagordero, komitatano povas paroli ghenerale pri tiu tagordero, au povas prezenti specifan proponon rilate ghin.
    4. Se prezentighis specifa propono pri iu tagordero, komitatano povas paroli pri tiu propono au povas proponi amendi ghin.
    5. Kiam neniu komitatano deziras plu paroli pri iu propono au amendo-propono, la Prezidanto de la Komitato fermas la diskutadon pri tiu, kaj vochdonigas la Komitaton.
    6. Malgrau la ceteraj artikoloj de paragrafo 11 de la Reglamento, komitatano rajtas fari unu el la jenaj proceduraj proponoj (kiuj estas tiuj vochdonendaj sen diskuto) kiam ajn dum la konsido, akirinte parolpermeson de la Prezidanto de la Komitato:
      1. Tiuj vochdoni pri la propono diskutata;
      2. Tiuj vochdoni pri la amend-propono diskutata;
      3. Pauzi dum dek minutoj;
      4. Fermi la diskutadon sen vochdono kaj ektrakti la venontan tagorderon;
      5. Okazigi poshtan vochdonon lau paragrafo 4 de la Reglamento.
  12. VOCHDONO EN KUNVENO
    1. Post fermo de la diskuto pri iu propono au amendo- propono, oni vochdonas pri tiu.
    2. Gvidas la vochdonon la Prezidanto de la Komitato. Krom lau la proceduro priskribita en artikolo 12.4 de la Reglamento, la Prezidanto de la Komitato ne rajtas vochdoni.
    3. Pri chiu propono partoprenanto au vochdonas au sindetenas. La Vochdona Komisiono nombras kiom da partoprenantoj vochdonas por, kaj kiom vochdonas kontrau. La protokolanto kalkulas kiom da partoprenantoj sindetenas.
    4. Se plejmulto de la partoprenantoj ne sindetenas, tiu el la poro kaj la kontrauo kiu havas la plimulton venkas. Okaze de egaleco, decidas la Prezidanto de la Komitato.
    5. Se plejmulto de la partoprenantoj sindetenas:
      1. Se temas pri la unua vochdono pri tiu propono, au pri decido nepre farenda pro priskribo de la Regularo au Reglamento oni remalfermas la diskuton pri tiu propono kaj, kiam tiu dia diskuto estas finita, vochdonas duan fojon.
      2. Se ne temas pri la unua vochdono de la Komitato pri tiu propono, oni konsideras tion decido ne vochdoni pri tiu propono.
    6. Krom lau la proceduro priskribita en artikolo 12.5 de la Reglamento, oni vochdonas nur unu fojon pri iu propono dum unu kunveno.
    7. En paragrafo 12 de la Reglamento, "propono" signifas ankau amendo-proponojn.
  13. SEKRETA VOCHDONO
    1. Chiu vochdono pri elekto de estrarano, komitatanoj C,komisiitoj kaj komitatanoj A de UEA por la Organizo (sed ne membroj de labororganoj) estas farita sekrete lau la proceduro priskribita en paragrafo 14 de la Reglamento.
    2. Sektreta vochdono okazas ankau por decido pri regularshangho, honora membro, honora prezidanto, akcepto au eksigode Landa Sekcio kaj Faka Sekcio kaj krome kiam ajn du komitatanoj tion postulas. Tiam sekreta vochdodno okazas lau la proceduro priskribita en paragrafo 12 de la Reglamento.
    3. Okaze de sekreta vochdono, gvidas la vochdonadon kaj nombras la vochojn la Vochdona Komisiono.
  14. ELEKTOJ
    1. Chiu elekto por la oficoj menciitaj en artikolo 13.1 de la Reglamento okazas lau la proceduro priskribita en paragrafo 14 de la Reglamento.
    2. Gvidas la vochdonadon kaj nombras la vochojn la Vochdona Komisiono.
    3. Krom lau la proceduro priskribita en artikoloj 14.7.4 kaj 14.8.4 de la Reglamento, la Prezidanto de la Komitato ne rajtas vochdoni.
    4. La tenantoj de la oficoj en la Estraro de TEJO, nome la Prezidanto, la vicprezidanto(j), la Ghenerala Sekretario kaj la Kasisto,devas esti elektitaj al specifa ofico. Tio signifas, ke devas okazi aparta elekta por chiu el tiuj oficoj. Oni vochdonas unue por la Prezidanto, due por la vicprezidanto(j), trie por la Ghenerala Sekretario kaj kvare por la Kasisto.
    5. Kiam la nombro de elekteblaj kandidatoj ne estas priskribita de la Regularo, la Komitato devas unue decidi kiom da ofico-tenantoj ghi maksimume elektos, antau ol ghi elektas. Pro la proceduro priskribita en artikolo 14.7 de la Reglamento, povas esti elektitaj malpli da ofico-tenantoj ol la maksimumo decidita de la Komitato, sed ne povas esti elektitaj pli da ofico-tenantoj ol tiu maksimumo.
    6. En artikoloj 14.7 kaj 14.8 de la Reglamento la simbolo "m" signifas la maksimuman nombron de elekteblaj kandidatoj, kaj la simbolo "2m" signifas duoblon de la maksimuma nombro de elekteblaj kandidatoj.
    7. Se ne estas pli ol "2m" kandidatoj:
      1. Oni faras balotilon kun la nomo de chiu kandidato,ordigita lau la chefa nomo skribita nacilingve per latinajliteroj.
      2. Partoprenantoj vochdonas por kandidato metante ikson apud ties nomo, Ghis maksimumo de "m" kandidatoj. Oni neaparte indikas tiujn kandidatojn, kiujn oni ne elektis. Estas nevalidaj tiuj balotiloj kiuj havas pli ol"m" iksoj.
      3. Estas konsiderataj elektitaj tiuj "m" kandidatoj kiuj havas plej da voçoj, kondiche ke ili ankau ricevis porajn vochojn de almenau plejmulto de la validaj balotiloj.
      4. Okaze de egaleco inter kandidatoj, decidas la Prezidanto de la Komitato.
    8. Se estas pli ol "2m" da kandidatoj:
    9. Oni faras balotilon kun la nomo de chiu kandidato,ordigita alfabete lau la chefa nomo skribita nacilingve per latinaj literoj.
    10. Partoprenantoj vochdonas por kandidato metante ikson apud ties nomo, ghis maksimumo de "2m" kandidatoj. Oni ne aparte indikas tiujn kandidatojn, kiujn oni ne volaselekti. Estas nevalidaj tiuj balotiloj kiuj havas pli ol "2m" iksojn.
    11. Tiuj "2m" kandidatoj kiuj havas plej da vochoj iras al dua vochdono, organizita lau la proceduro priskribita en artikolo 14.7 de la Reglamento.
    12. Okaze de egaleco de vochoj inter kandidatoj, decidas la Prezidanto de la Komitato.
  15. INTERPRETADO
    1. Pri demandoj ne tushitaj en la Reglamento validas lauvice aliaj reglamentoj, la Regularo, la Regularo de la Komitato de UEA, la Statuto de UEA, kaj la Gheneralaj reguloj de la nederlanda juro.
    2. Nenio en la Reglamento povas kontraui la Regularon.
    3. La Komitato povas modifi la Reglamenton per decido de plejmulto.

 


apple

Tiu chi pagho preparighis je 2000-01-13 fare de Sjoerd Bosga.