-----------------------------------------------------------------------

			^CAPITRO 2 (DU)

Linda:	Tom!

Tom:	Kio okazas al vi? Vi estas pala! Bela, sed pala.

Linda:	Tom! Ne rigardu!

Tom:	Kio okazas?

Linda:	Strange! Okazas io stranga, io tre stranga. Tiu ulo, tiu nova
studento... Ne, Ne, mi petas vin, ne rigardu. Estu diskreta.

Tom:	Diable! Diru al mi. Kio estas tiu mistero?

Linda:	Lia mano agas strange. Rigardu, se vi volas, sed plej diskrete.
Turnu vin iomete, eble, sed tute nature. Li ne vidu, ke vi rigardas al
li.

Tom:	Vi pravas. Io stranga okazas. Dum ^si ne rigardas al li -- ^si
nun rigardas al la granda spegulo -- lia mano iom post iom, tre tre
malrapide, proksimi^gas al ^sia taso...

Linda:	Estas io en lia mano.

Tom:	Mi ne vidas. Li estas tro malproksima. Diable! Tiu alta forta
knabo nun staras inter ili kaj mi. Mi ne plu vidas.

Linda:	Sed mi vidas. Mi vidas bone. Mi vidas tre bone. Mi vidas tute
bone. Ej!

Tom:	Kio okazas?

Linda:	^Si rigardas al li nun, kaj lia mano haltas.

Tom:	Kaj kio plu? Diru al mi!

Linda:	Nun li parolas al ^si. Li montras al la pordo.

Tom:	Eble li volas, ke ^si rigardu al alia direkto, ke ^si ne plu
rigardu al li.

Linda:	Prave, tute prave. Jen ^si rigardas al la pordo. Li plu parolas
kaj parolas. Dum ^si ne rigardas al lia direkto, lia mano plu
proksimi^gas al la taso. Ej!

Tom:	Kio? Kio okazas?

Linda:	Lia mano revenas, tute diskrete, kvaza^u tute nature.

Tom:	^Cu estas io en lia mano?

Linda:	Nenio plu. Sed tute certe nun estas io en ^sia taso.

-----------------------------------------------------------------------

			DEMANDOJ (2)

Linda estas ___.
 (malserioza / nova studento / bela kaj pala / io stranga)

Kio okazas?
 (Linda rigardas al la spegulo. / Malalta viro staras inter Tom kaj la
pordo. / La blonda viro agas strange. / La nova studento proksimi^gas
al Tom.)

^Cu estas io en lia mano?
 (jes / ne)

Al kio montras la mistera ulo?
 (al la spegulo / al la pordo / al Linda / al Tom / al la angulo)

Al kio rigardas la juna knabino, kiu estas kun li?
 (al la spegulo / al la pordo / al Linda / al Tom / al la angulo)

^Cu nun estas io en la taso?
 (jes / ne)

-----------------------------------------------------------------------

			EKZERCOJ (2)

	Ekzemplo:

Turnu vin iomete, [^cu / se] vi volas.

---> Turnu vin iomete, se vi volas.

	Jen:

Mi ne vidas, [^cu / se] la junulo parolas al la knabino, a^u [^cu / se]
li nur rigardas al ^si.

Vi vidas lin tute bone, [^cu / se] ne?

[^Cu / Se] li agas strange, li estas strangulo.

Mi alparolas knabinojn, [^cu / se] ili rigardas al mi.

Mi ne scias, [^cu / se] mi alparolu ^sin a^u ne.

[^Cu / Se] ^si parolas al mi, [^cu / se] mi reparolu al ^si?

Li estas en universitato, [^cu / se] li estas studento.

Mi ne certas, [^cu / se] li estas studento. Li estas tro maljuna.

-----------------------------------------------------------------------