"Duona". SEMI estas sufiĉe ofte uzata anstataŭ DUON, kiam ekzistas responda internacia vorto kun "semi": nomado -> *seminomado*, vokalo -> *semivokalo*, cirklo -> *semicirklo*. SEMI estas superflua. Oni uzu kunmetojn kun DUON.
Same superflue estus uzi HEMI kiel veran Esperantan prefikson. HEMI estas tamen eksprefikso kun la signifo "duona" en kelkaj vortoj: hemianopsio, hemikranio, hemiplegio, hemisfero.
Por ligi al precize tiu ĉi paĝo uzu:
<http://purl.oclc.org/net/pmego?d=pmeg/pmeg10/semi.htm>