De rilate al for montras formoviĝon aŭ apartecon.
For de tie ĉi!(FE.26)
For de miaj okuloj!(Rt.29)
Ŝi demetis la tukon for de la kapo.(M.169)
Grandaj vojaĝoj kaj longa restado for de mia hejmo estas por mi afero tre malfacila.(L2.236)
De-esprimoj povas priskribi personajn pronomojn kaj pronomecajn vortetojn, normale pere de verbo, sed iafoje rekte.
Li estas de meza kresko.(FE.33) Eco.
Ĝi estas de mi. Aparteno, posedo. Pli ofte oni diras: Ĝi estas mia. Ĝi apartenas al mi.
Ili estas de Francujo. Deveno.
Tiuj estas de ŝi. Aparteno, posedo.
Ambaŭ estas de Japanio. Deveno.
Mi preferas tiun de Karlo. Posedo.
De-esprimoj povas ankaŭ priskribi tabelvortojn je OM.
Mi volus scii, kiom de la ŝtofo ili jam pretigis!(FA1.69) De montras apartenon, parton. Oni ne uzas da, ĉar la ŝtofo estas difinita per la. Vidu "Da - detalaj reguloj".
Por ligi al precize tiu ĉi paĝo uzu:
<http://purl.oclc.org/net/pmego?d=pmeg/pmeg10/rvdevt.htm>