Ekssufikso en multaj radikoj por diversaj fakuloj kaj specialistoj: psikologo, antropologo, sociologo, ornitologo. Preskaŭ ĉiam ekzistas paralela radiko finiĝanta per "ologi" por la koncerna fako (vidu OLOGI). Anstataŭ la olog-vortoj oni povas uzi la respondan ologi-vorton plus la sufikson IST: psikologiisto, antropologiisto k.t.p. Pro la longeco de tiuj vortoj, kaj pro la malagrablaj duoblaj "i", oni normale preferas la olog-vortojn.
"Fakulo, specialisto". Foje uzata kiel vera sufikso por diversaj fakuloj: kancero -> kancerologo = "kancerspecialisto, onkologo", birdo -> birdologo = "birdospecialisto, ornitologo", Esperanto -> Esperantologo = "persono, kiu pli-malpli science studas Esperanton". Oni uzas OLOG preskaŭ nur kiam ekzistas responda internacia vorto, kiu finiĝas per "olog", alie oni preferas IST aŭ apartan radikon. Vidu ankaŭ OLOGI kaj IK.
Por ligi al precize tiu ĉi paĝo uzu:
<http://purl.oclc.org/net/pmego?d=pmeg/pmeg10/olog.htm>