Esperanto . Org

Stato de Esperanto.Org

Retpaĝservilo: bone; Retpoŝto: bone

UTC: 2006 dec 22 07:30, Kalifornia tempo: 2006 dec 21 23:30

Kio okazis? Nenio! Zonker iris kaj laboradis ĉe la malnova kaj nova komputiloj dum horoj. Li faris bonajn laborojn, sed tiu kiu diris ke ni devas translokiĝi hodiaŭ vespere... neniam alvenis!
Bedaŭrinde tiu signifas ke eble ni faros morgaŭ... aŭ eble neniam. Bonvole kontrolu poste por lerni kio okazas.
Ni esperas dormi bone.

(2006 dec 3 16:45 UTC, 2006 dec 3 08:45 en "Silicia Valo" Kalifornio, Usono (kie la maŝino lokiĝas)

La maŝino de Esperanto.Org mem devos tanslokiĝi denove, antaŭ la fino de Januaro 2007. Kaj do la estraro kunvenis novembro 27a por diskuti la situacion.

Ni akiris novan komputilon kiun ni dividos kun aliaj domajnoj regataj de la diversaj sistem-estroj.
Ni esploras la opciojn haveblajn por nova loko. Eble ni restos ĉe la nuna loko aŭ transiros al nova.
Ni kunvenos merkredo decembro 13 por pludiskuti la situacion.
Ni translokigos la ret-poŝtan servon al Google! Tiu malŝarĝos la sistemon laŭ uzo de la reto kaj de disko. Sed memoru la privatecajn aferojn pri Google! Kaj kompreneble ni esperas ke ĉiuj poŝt-servoj daŭre funkcios. Bonvole plendu laŭte kaj rapide se io misfunkcias post la ŝanĝo. Ni esperas ke la ŝanĝo okazos "baldaŭ(TM)".
Kompreneble la maŝino ne estos atingebla dum la tempo dum ni fizike translokigos ĝin. Pli da detaloj kiam ni decidos pri la horo de la ŝanĝo.

Por trovi staton:

Se vi ne povas atingi nin normale, bonvole avertu nin pere de mesaĝo al esperanto.org ĉe gmail.com (sed nur se vere la servilo ne funkcias). Kaj kompreneble, se la sistemo vere paneus, aŭ dum "normala" afero kiu kaŭzus interrompon de la servoj, bonvole kontrolu IoAjn.com por gravaj notoj.

Daŭras:

Ekde 2006 septembro, iu krima trud-mesaĝisto el, ŝajne, Rusio, daŭre disdonas milionojn da mesaĝoj semajne kun trompiga resend-adreso "info@esperanto.org" . Tiu signifas ke ni tage ricevas centojn da "resenditaj" mesaĝoj, ĉar oni opinias ke ni sendis la originalon. Tiu adreso nun estas apenaŭ uzebla. Kutime tiuj aĉuloj mensogas pri unu hazarde elektita adreso dum unu tago aŭ unu semajno aŭ eĉ monato kaj tiam ŝanĝas al nova viktimo. Sed ĉi tiu daŭras tre longe kaj ŝajne ne haltos baldaŭ. Bedaŭrinde niaj plendoj estas aŭ ignoritaj (ĉu lingva barilo?) aŭ tro malrapidaj. La fiaĉulo simple kreas novan konton por disdonado tuj post kiam komputilisto haltigas malnovan. Ni simple ne havas tempon (almenaŭ horo tage) por korekte zorgi. Ni esperas ke ni ne tute perdos la uzeblecon de tiu adreso. Kompreneble ni esperas ke ĉi tiu ne okazu al vi.

Pasintaj:

Malnovaj raportoj.

Esperanto.Org | pri | mapo | kunlabori

Kopirajto © 1994 - 2008 Esperanto.Org
This work is licensed under a Creative Commons Attribution-NonCommercial-ShareAlike 2.5 License.