| Anonctabulo |
|
Cxi-tie estas loko por diversaj anoncoj, kiujn sendas al ni anoj
de AEKo kaj aliaj esperantistoj. La anoncoj aperas tuj post la ricevo. La
anoncoj nur devas rilati al agado de la Klubo. Pri enhavo de la anoncoj
respondecas nur homoj,kiuj sendas ilin.
Franca Esperanto-Centro "Kvinpetalo" (Bouresse,Francio) organizos ekde la 1a gxis la 5a
de Septembro 2000 jaro kurson pri Astronomio por esperantistoj. Gvidanto
- Patrick Lagrange. La kosto de partopreno estas proksimume 900 fr.fr. ( 140 euroj ),
kio inkluzivas aligxkotizon, logxadon kaj mangxojn. La fervoja
stacio por Bouresse estas Poitiers, al kiu veturas trajnoj TGV rekte de
flughaveno Charles de Gaulle en Parizo ( Bureso estas vilagxo 30 km
sude de Poitiers ). La detala programo akireblos en "Kvinpetalo" aux
sur niaj TTT-pagxoj.
AEKo planas organizi sian unuan kunvenon dum la 85a Universala Kongreso de UEA en Tel-Avivo
( Isrealo ). Ni invitas al la UKo cxiujn AEK-anojn kaj interesigxantojn pri Astronomio kaj
Astrofiziko. Ni petas anonci cxiujn potencajn partoprenontojn sendante retposxton
al astro_esp@xoommail.com. Vi ankaux povas
indiki kiun programon havu la kunveno. Ni povas proponi al vi, kune kun konatigxa kunsido
en iu kafejo ( laux via gusto ), viziton al Astronomia Observatorio en Givatayim ( urbo ene
de Tel-Aviva areo ), renkontigxon kun anoj de Israela Astronomia Asocio, vespernoktan
cxielobservadon k.a. Detalojn petu cxe AEKo.
Por interesigxantoj pli multe scii pri Franca Esperanto-Centro
"Kvinpetalo" jen ligilo al gxia TTTejo:
Vizitu la Astrofizikan Instituton de Kanarioj www.iac.es
; vidu tie la bildgalerion, vizitu la observejojn de El Teide (El Tejde) kaj tiun de El Roque de los Muchachos
(Roke de los Muchachos), en la insulo La Palma, kie komencigxas
la konstruo de Granda Teleskopo de Kanarioj (GranTeKan).
Jen programo de la Astronomia semajno en "Kvinpetalo". AEKanoj anoncu
vian cxeeston sendante retposxton al la klubo. Ni invitas
cxiujn interesigxantojn!
La 85a Universala Kongreso de Esperanto okazas ekde la 25a de Julio gxis la 1a de Auxgusto en Tel-Avivo (Israelo). Dum la UKo estas planata fondkunveno de Astronomia Esperanto-Klubo (AEKo). Ankaux okazos aliajn kunvenojn interesajn por AEKanoj. Jen la listo de de tiuj eventoj. Se vi ne povas cxeesti la kongreson, sed volus ke via opinio ( ideo, propono, komento ) estu konsiderata dum la kunveno skribu gxin cxi-tie kaj premu la butonon:
|